دەمەكێ نێزیك رادیویەك بو هشیاركرنا شوفێران دهێتە ڤەكرن

دهوك-تایبەت ب kdp.info/ بەرپرسێ راگەهاندنا هاتن و چونا پارێزگەها دهۆكێ بو kdp.infoراگەهاند هاتن چونا پارێزگەها دهۆكێ بەرهەڤیەكا مەزن كریە بو ڤەكرنا رادیویا ترافیكی كو ل سەرانسەری پارێزگەهێ و دەڤەرێن دەرڤەی هەرێمێ دێ بخوڤەگریت، زوربەیا بەرنامەێن رادیویێ دێ ب كەرتێ ترافیكی و رێنمایێن هاتن چوونێ ڤە هێنە گرێدان ژبوی هشیاركرنا هزرا یاسایێ دناڤ مەژیێ شوفێران دا.

ئازاد تەها خویاكر ژی نوكە هەشت كادر بو برێڤەبەرنا رادیویا ترافیكی ل خولێن مەشقكرنێ دا نە، گەلەك ژ ئامیرێن رادیویێ ژی هاتینە ئامادەكرن كارێ بەردەوامە ل دەمەكێ نێزیك دێ پەخش بیت و كەڤیتە دوارێ خزمەتكرنا شوفێران دا.

دەربارەی بەرنامێن رادیویێ ئازاد تەها ئاشكراكر ژبلی بەرنامێن ترافیكی بەرنامێن تەرفیهی و ستران و دیدار و بوچونێن شوفێران تێدا دهێنە راگەهاندن و گوت مە ب فەرمی مولەتا ڤەكرنێ ل وەزارەتا ناڤخۆ وەرگرتی یە، دێ بێتە ئێكەم رادیویا ترافیكی ل سەرانسەری هەرێمێ.

عەبدوڵڵا نهێلی