دەستەی باڵای کوردی لە رۆژئاوای کوردستان: سوپاسی سەرۆک بارزانی دەکەین بەبۆنەی بڕیاری کردنەوەی دەروازەی فیشخابوور
دەستەی باڵای کورد لە رۆژئاوای کوردستان سوپاسنامەیەک ئاراستەی مەسعود بارزانی سەرۆکی ھەریمی کوردستان دەکەن بەبۆنەی ئەو یارمەتیانەی پیشکەش بە کوردانی رۆژئاوای دەکات .
ئەمەش دەقی سوپاسنامەکەیە
ھێژا مەسعود بارزانی سەرۆکی ھەریمی کوردستان
ئێمە وەک دەستەی باڵای کوردی لە رۆژئاوای کوردستان بە ناوی خۆمان و گەلی کورد لە کوردستانی رۆژئاوا سوپاسی جەنابتان دەکەین بەبۆنەی ئەو بڕیارەی دەرتانکردووە کە دەروازەی بیشابوور بکرێتە دەروازەیەکی سنووری بۆ گەیاندنی یارمەتی مرۆیی و کەلوپەلی پێویست بە رۆلەکانی گەلی کورد لە رۆژئاوا.
ھەروەھا سوپاسی جەنابتان دەکەین بۆ ئەو یارمەتییە بەردەوامەی پێشکەش بە ھاوڵاتیانی کوردی دەکەی کە کاریگەری ھەبووە لەسەر کەمکردنەوەی ئیش و ئازاری ھەموو دانیشتوانی ناوچەکە ، چونکە ئەو یارمەتیانە بەسەر ھەمووان دابەشکراوە بەبی جیاوازی ئەمەش کاریگەریەکی ئەرێنی و باشی لای ھەمووان دروستکردووە.
دەستەی باڵای کوردی
