398 مال لپارێزگه‌ها دهوكێ لبه‌ر زیانێن له‌هیێ كه‌فتینه‌

تایبه‌ت به‌ KDP.info/  د وان سێ روژێن كو بارانه‌كا زۆر پارێزگه‌ها دهۆكێ ڤه‌گرتى، زیانێن مه‌زن ل دویڤ خۆ هێلان كو 398مال ل سنورێ پارێزگه‌ها دهۆكێ  زیانداربوون و پترین زیان له‌ قه‌زاى ئاكرێ كه‌تینه‌ .
رێزدار مه‌هدی صاڵح به‌رپرسێ راگه‌هاندنێ ل رێڤه‌به‌ریا به‌ره‌ڤانیا باژێرێ دهۆكێ دیاركر كو ل قه‌زاى ئاكرێ 119 مال و دوكان كه‌فتینه‌ به‌ر ئاڤرابوونێ و ل دویڤدا ل تاخێ كوچه‌ران ل دهۆكێ 94 مال و ل كه‌مپا دومیز 61 خیڤه‌ت كه‌تینه‌ به‌ر  ل قه‌زا سێمێل 11 مال و زاخۆ 61 خێزان و ل ئامێدیێ 34 مال كو زیانێن وان دمه‌زنن و ل قه‌زا شێخان ژى 16خانی دگه‌ل دو مالان ل به‌رده‌ره‌ش.  هه‌روه‌سا به‌رێزى خویاكر ژى كو ژبه‌ركو باران دبه‌رده‌وامن لێگه‌ریان ژى دبه‌رده‌وامن ژ بۆ زانینا زیانڤێكه‌فتیان. ئه‌ڤه‌ و رێڤه‌به‌ریا به‌ره‌ڤانیا باژێرێ دهۆكێ دگه‌ل قایمقامیا دهۆكێ لیژنه‌یه‌ك پێكئینا یه‌ ژبۆ زانینا هه‌ژمارا زیانڤێكه‌فتیان وقه‌ره‌بو كرنا وان. سه‌باره‌ت ئه‌و ئافره‌تا دئاڤا له‌هیان دا وندا بووى  هێشتا ته‌رمێ وێ نه‌هاتیه‌ دیتن به‌رپرسێ راگه‌هاندنێ ل رێڤه‌به‌ریا به‌ره‌ڤانیا باژێرێ دهۆكێ گه‌له‌كێ ب هیڤى نه‌بوو كو ل ده‌مه‌كێ نێزیك ته‌رمێ وێ ئافرتێ بهێته‌ دیتن چونكى ئاڤا جهێ روودانێ یا شێلیه‌ و گه‌له‌ك گه‌ر لێ هه‌نه‌ ئه‌ڤه‌ ژى لێگه‌ریانێ بزه‌حمه‌ت دئێخیت

ڤه‌ده‌ر سوبحى