به‌یاننامه‌ك ژلقێ ئێك ب هه‌لكه‌فتا بیره‌وه‌ریا وه‌غه‌ركرنا ئدریس بارزانیێ جانه‌مه‌رگ
بورینا (26) سال ل سه‌ر وه‌غه‌ركرنا سیاسه‌تمه‌دار و سه‌ركردێ مه‌زنێ ته‌ڤگه‌را ئازادیخوازێ كوردستانێ و ئه‌ندازیار ودانه‌رێ به‌ره‌یێ كوردستانێ و هوشمه‌ندێ ئاشتبونا ته‌ڤایى یا كوردستانێ ئدریسێ جانه‌مه‌رگ.
ئدریس بارزانى ژ سه‌ركردێن مه‌زنێن بزاڤا رزگاریخوازا كوردستانێ یه و دقوناغه‌كا دژواردا شیا وه‌كو پێشمه‌رگه و دیپلوماتكار روله‌كێ پیروز بگێریت و وه‌ك قوتابیێ رێبازا بارزانى پره‌نسیپێ لێك تێگه‌هشتن و دیالوكێ و وه‌كهه‌ڤیێ پیاده بكه‌ت.
ئدریس بارزانى ئێكگرتن و ئێكرێزیا هێزو پارتێن سیاسیێن كوردستانێ و عێراقێ دئێك سه‌نگه‌ردا كوم كرن ژبو گه‌هاندنا ئارمانجێن گه‌لێ مه .
بیرئانینا شه‌هید و سه‌ركردێ بلیمه‌ت ئدریسێ هه‌رده‌م ساخ د ده‌مه‌كێ دا دهێته ساخ كرن كو ئه‌ڤرو ژ ڤه‌رێژا ئێك رێزى و ئێك ده‌نگیا خه‌لكێ كوردستانێ هه‌رێما كوردستانێ ئازاده و خودان ئه‌زمونه‌كا دیموكراسى یه و رێكه‌فتنا ستراتیجى یا دناڤبه‌را هه‌ردو هێزێن سه‌ره‌كى پارتى دیموكراتى كوردستان و ئێكه‌تى نیشتیمانى ژبو كاركرن پێكڤه و ب ده‌ستڤه‌ئینانا زور ده‌ستكه‌فتێن گرنگ د ده‌ستورێ ئێراقێ دا هاتینه ب ده‌ستڤه‌ئینان كو ئه‌ڤ كاركرنه ژ ده‌ست پێشخه‌رى و كه‌دا كاكه ئدریسێ هه‌رده‌م ساخ بوویه .
دڤێ سال ڤه‌گه‌رێ دا سلاڤ بو گیانێ پاكێ ئدریس بارزانى وگشت شه‌هیدێن رێیا بزاڤا ئازادیخوازا كوردستانێ و سه‌ركاروانێ وان بارزانیێ نه‌مر .
