11 ملیون 78 هزار مكەعبێن ئاڤێ ل سكرێ دهۆكێ زێدەبوینە

دهوك- تایبت بـ KDP.info/ فەیسەل نوری رێڤەبەرێ سكرێ دهۆكێ تایبەت بو kdp.infoئاشكراكر: ئەڤ سالە رێژا (553 ملم) بارانێ ل پارێزگا دهۆكێ بارینە ئەڤ رێژە بویە ئەگەر كو بلنداهیا 5،51 مترێن ئاڤێ بچیتە سەر سكرێ دهۆكێ و راگەهاند ئەڤ سالە چار جارا تەمەت پار سال تا ڤی دەمی باران ل دهۆكێ باریە، سەرجەمێ 11 ملیون 78 هزار مكەعبێن ئاڤێ ل سكرێ دهۆكێ زێدەكریە، نوكە 34 ملیون 462 هزار مكەعبێن ئاڤێ ل سكرێ دهۆكێ دا هەنە و شیان هەنە 18 ملیون مكەعبێن دی یێن ئاڤێ كومبكەت.

فەیسەل نوری خویاكر ژی ئەگەر رەوشا گەش و هەوا ل كوردستانێ هوسا بەردەوامبیت ئەز پێشبینیا وێ چەندێ دكەم كو تا دوماهیا وەرزێ بهارێ 15 تا 20 ملیون مكەعبێن دی یێن ئاڤێ بهێنە سەر سكرێ دهۆكێ. ئاستێ بلندایێ ژی بگەهیتە 10 مترا. گوت ماوێ 20 سالێن بوریدا بو جارا دویێ یە تا ڤی دەمی سكرێ دهۆكێ رێژەكا وەكو ئەڤسالە یا ئاڤێ لێ زێدەدبیت.

ژلایێ خو ڤەژی زیاد عەبدوڵڵا رێڤەبەرێ ئاڤدانێ ل پارێزگەها دهۆكێ ئاشكراكر مەترسی ل سەر چ سكرێن دهۆكێ نینە، نێزیكی 42 پەنداڤ ل دهۆكێ هەنە زوربەیا وان تەژی بوینە ژ ئاڤێ و هندەك ژی بیچەك ماینە دێ تەژی بن.

عەبدوڵڵا نهێلی