گروپەكێ تیرورستی ژلایێ ئاسایشا دهۆكێ ڤە هاتە گرتن

دهوك- تایبت بـ KDP.info/ راگەهاندنا ئاسایشا دهۆكێ گروپەكێ تیرورستان ب تومەتا رەڤاندنا دو كەسان دەستەسەركرن.

راگەهاندنا ئاسایشا پارێزگەها دهۆكێ تایبەت بو kdp.infoراگەهاند: پشتی هندەك پێزانین ل روژا 31/12/2012 گەهشتینە وان كو دو وەلاتیێن ب رەگەز عەرەب بناڤێن (ص.ی.ح) و (أ.ع.ق) ژلایێ گروپەكێ تیرورستی هاتینە رەڤاندن كو ئاكنجیێن گوندێ ( قرە خراب) سەر ب دەڤەرا وانكێ ڤەنە ل هەمان روژ ژلایێ هێزێن پ.م ل دەڤەرێ هاتنە قوتالكرن.

ناڤبری خویاكر ژی كو دیڤچوونێن بەردەوام ژلایێ ئاسایشا دهۆكێ ڤە هاتینەكرن، شیان چوار گونەهبارێن ب نەتەوە عەرەب ب ناڤێن (أ.م.ع) و (م.خ.غ ) و (أ.س.م) و (.ق.ع) دەستەسەربكەن، پشتی ڤەكولێن دگەل هاتینەكرن سێ ژوان گونەهباران دان ب تاوانا خو كریە ل دوڤ بەندێ 2 یا یاسایا نەهێلانا تیرورێ هاتنە گرتن و ڤەكولین دگەل دا یا بەردەوامە.

 

عەبدولڵڵا نهێلی