ژ ئەگەرێ بارانێ زارویەکێ گیانێ خوە ژ دەستدا و دایکا وى بێ سەروشین بویە

تایبەت ب kdp.info/  یەکا بەرەڤانیا باژێرێ دهۆکێ راگەهاند کو ل شەڤا بورى ل سێ تاخێن دهۆکێ لافاو دروستبوینە ئاڤا چویە دناڤ مالێن ب دەهان وەلاتیان دا، ل سەر جادا سەرەکى ژى ترمبێلەک مایە ناڤ ئاڤا بارانێ دا زارویەکێ تێدا گیانێ خوە ژدەستدایە دایکا زاروکى ژى ئاڤێ بریە یابێ سەروشینە.
نیوار فەریق ژ یەکا بەرەڤانیا باژێرێ دهۆکێ بو kdp.info  گوت ژ ئەگەرێ ئەو بارانا ل شەڤا بورى ل پارێزگەها دهۆکێ بارى لاڤاو ل تاخێن کوچەرا و شێلى َو قەرچا  دروست بون ئاڤ چوویە ماڤ مالێن وەلاتیاا، ب دەهان وەلاتیان مالێن خو چولکرن و زیانێن مادێ گەهشتنە  خودانێن وان مالان .
نیوار ئیماژە کر ل شەڤا بورى خێزانەک ل دهۆکێ ب ترومبێلێ بەرەڤ گوندێ تلخشێ ل کومەلگەها شاریا ڤە دچوون ل سەر رێکا سەرەکێ دناڤبەرا دهۆک شاریا دا ترومبێلا وان مایە دناڤا ئاڤا بارانێ دا زاروکێ وان گیانێ خو ژ دەست دا، دایکا زاروکى ئاڤێ بر تانوکە ژى یا بێ سەروشینە و نەهاتیە دیتن و کەس و کارێن وان و تیمێن بەرەڤانیا باژێرى  و لایەنێن شولەژێ بەردەوام لێدگەرن، بابێ زاروکى کو شوفێرێ ترومبێلێ رزگاربویە

 

 

 

عەبدولا نهێلى