ژبەر بارینا بارانێ چەند ریک ل قەزا ئامێدیێ هاتنە گرتن
تایبەت ب kdp.info/ ژبەر بارینا بارانەکا زور ل قەزا ئامێدیێ چەندین ریکێن گوندان هاتنە گرتن وخەلکێ وان گوندا ن ژى داخازى ژ حکومەتێ دکەن کو رێکێن وان بو بهێنە ڤەکرن و چێکرن .
شڤان ئەحمەد ئێک ژ خەلکێ گوندێ بیروزانا کو دکەڤیتە روژئاڤاى قەزا ئامێدیێ بو kdp گوتى : هەر سال ل زڤستانێ دەمێ بەفرو باران دهێن ریکا مە یا سەرەکێ دهێتە گرتن وئەم نەشێن بچینە قەزایێ بو هەر بێدڤیەکا هەبیت وبشتى ڤێ بارانا زور ژى جارەکا دى رێًکامە هاتە گرتن وئاڤ لسەر پرا گوندێ مەرا هاڤێت وئەم نەشێن بچینە دەر ڤەى گوندى وقوتابیین مە ژى نەشێن بچنە دەوامێ ،داخازێ ژ حکومەتێ دکەین کو رێکا مە بهیتە چێکرن دا ژڤێ گرفتێ قورتا ل بین.
هەروەسا رێکا سەرەکیا دناڤبەرا گوندێن بابیرێ و بریفکا ژى هاتە گرتن چونکى گەلەک بەرو ئاخ هاتبوونە دناڤ جادا سەرەکیا ئەڤان هەردوو گوندان دا .
رەمەزان حجى عساف،سەروکێ باژێرڤانیا ئامێدیێ بو مالپەرێ kdpگوتى : راستە ریکا وان گوندان هاتیە گرتن لێ نە بدەستێ مەیە یا گوندێ بیروزانا دەمێ گەلەک باران وبەفر دهێت ئاڤا سوبنە زێدە دبیت ولسەر پرا واندا دهاڤێژیت لێ دەمێ باران رادوەستیت جارەکا دى ئاڤا سوبنە دهیتە خوار ورێکا وان ئاسایى دبیتە ڤە .
ئامیدیێ /دلداررەشاڤەى
