گۆرسەل تەکین" حکوومەت دەیەویست 80 هەزار هاووڵاتی کورد دەستگیر بکات

تایبەت بە kdp.info/ جێگری سەرۆکی گشتی جەهەپە گۆرسەل تەکین رایگەیاند کە لە چوارچێوەی دۆزی کەجەکەدا حکوومەتی تورکیا دەیەویست 80 هەزار هاووڵاتی کورد بە تاوانی ئەندام بوون لە کەجەکەدا دەستگیر و روانەی گرتووخانە بکات بەڵام بە هۆی نەبوونی شوێن لە گرتووخانەکاندا تەنیا 12 هەزار کەسی دەستگیر کرد.
جێگری سەرۆکی جەهەپە گۆرسەل تەکین سەبارەت بە لێدوانەکانی پارلەمانتاری جەهەپە و سەرۆک شارەوانی ئایدنی جەهەپە رایگەیاند کە ئەم لێدوانانە بە هیچ شێوەیەک لەگەڵ سیاسەت و ستراتیژیەتی جەهەپەدا ناگونجن و لە نێو جەهەپەدا چەند کەس و لایەنێک هەن کە ئەندامی جەهەپە نین و لە دژی جەهەپە کار دەکەن.