ژبەر بارینا بارانێ پێنچ رێكێن سەرەكی ل دهوكێ هاتنەگرتن
دهوك- تایبت ب KDP.info/ رێڤەبەرێ سەخبێری و پاراستنا رێك و پرا ل پارێزگەها دهوكێ راگەهاند ژبەر ئەو بارانا ب هێز ئەوا ل شەڤا بوریدا ل هەرێما كوردستانێ و پارێزگەها دهوكێ باری بویە ئەگەرێ هندێ كو ئاڤ بوش ببن بهێنە سەرجادێن سەرەكێ و ئاخ و پەران ل سەراجادا كومبكەت ڤێ چەندێ ژی 5 رێكێن سەرەكی هاتنەگرتن.
دێوالی حەمێ بریندار رێڤەبەرێ سەخبێری و پاراستنا رێك و پرا ل پارێزگەها دهوكێ تایبەت بو kdp.infoگوت: شەڤا بوری بارانەكا بوش ل پارێزگەها دهوكێ باری ل دەمژمێر 11 شەڤێ رێكا سەرەكێ یا زاخۆ دهوك ل گەلیێ زاخۆ هاتەگرتن تیمێن مە ل جهێ بویەرێ ئامادەبون تا دەمژمێر سێ شەڤێ شیان رێكێ ڤەكەن و خوشبەختانە چ زیانێن گیانێ مادی نەبون. ل دەڤەرا بەرواری بالا ژی ل سەر جادا سەرەكێ دناڤبەرا گوندێ بابیرێ و بریفكا دا گەلەك ئاخ و بەر هریابونە سەر جادێ رێك هاتبو گرتن لێ تیمَن مە هەتا نیڤرۆ ئەڤرۆ ژی پێڤەبون تا شیان رێكی ڤەكەن.
دێوالی زێدەتر دازانین هەر ژبەر بارانێ ل دەڤەرا زاویتە دناڤبەرا گوندێ خرپەنیێ و بانیێ هریانەك دروستبویە رێك هاتبو گرتن مە تیمەكێ پاقژكرنێ فرێكەریە داكو پاقژبكەت و هاتن و چونا وەلاتیان بساناهی بكەڤیت، هەوەسا ل گەلی كورتكێ ژی رێك هاتبو گرتن ل قەزا ئاكرێ ژی پرا گوندێ كەشكاڤا ئاڤا بارانێ ژ كار ئێخستی یە مە رێڤەبەریەك ل ئاكرێ هەیە گەهشتینە جهێ روودانێ بو هندێ بشێن هاتن چونا وەلاتیان ڤەكەن.
ناڤبری داخاز ژ هەمو خەلێ پارێزگەها دهوكێ كرن هەر جهەكێ ژ ئەگەر بارینا بارانا خرابیت و یان پەر و ئاخ كوم ببنە سەر جادا مە ئاگەهدار بكەن داكو رێكێن وەلاتیان ڤەكەن.
ژلایێ خو ڤەژی ئەندازیار شەوكەت محەمەد سەروكێ باژێرڤانیا دهوكێ بوkdp.info گوت: ل دەستپێكا وەرزێ زڤستانێ بو هاتنا باران و بەفرێ و چێبونا لەهیان مە بەرهەڤی كرینە بەلێ دشەڤا بوریدا هیچ لەهی یەك ل سەنتەرێ دهوكێ دروست نەبویە و ئاڤا بارانێ ژی چ زیان ب وەلاتیان نەگەهشتی یە زور سوباس بو خودێ، بەلێ ئەگەر هەر لاڤاوەكا دروستببا ئەم بەرهەڤبوین بو هندێ هاریكاریا وەلاتیان بكەن، داكو توشێ چ زیانێن مادی وگیانی نەبن.
