ل دهۆکێ بەرهەڤى بو ساخکرنا 25 سالیا ئەنفالا رەش دهێتەکرن

دهۆک تایبەت ب kdp.info/ رێڤەبەرێ گشتى یێ شەهیدو ئەنفالکریان ل پارێزگەها دهۆکێ ئاشکراکر ب هەلکەفتا هاتنا بیرەوەریا 25 سالیا ئەنفالێن رەش بەرهەڤێن باش هاتینە کرن کە ئەڤ سالە بیرەوەریا ئەنفالێن رەش ب شێوەیەکێ بەرفرەه و مەزن ل مەها سێ یا ئەڤ سالە دا بێتە ساخکرن، هەر ژ نوکە دەست ب ئامادەکاریان هاتیەکرن.

نسرەت محەمەد حەسەن رێڤەبەرێ گشتێ یێ شەهید ئەنفالکریا بو kdp.info گوت ل مەها سێ یا ئەڤ سالە ب هەڤکارى دگەل رێڤەبەریا گشتێ یا پەروەردێ و  رەوشەنبیرى و لاوان و باژێرڤانێن دهۆکێ دێ رابین ب ساخکرنا بیرەوەریا 25 سالیا ئەنفالێن رەش ل دهۆکێ خویاکر مەرەم ب ساخکرنا بیرەوەریا ئەنفالان ئەوە بو خەلکەکێ بیانى بدەینە نیاسین کا چەند ستەم و زوردارى بەرامبەرى مللەتێ کورد هاتیەکرن.

ناڤبرى گوت ژى چالاکێن جورەو جور دێ ل چەندێن جهان ل قوتابخانا و گەلەک جهێن دى دێ هێنەکرن و پێشانگەهێن شێوەکارى کو دەربرینێ ژ ئەنفالێن رەش بکەن دهێنەڤەکرن.

 

 

عەبدولا نهێلى