50% روودانێن هاتن و چوونێ ل دەڤەرا ئامێدیێ كێمبووینە

ئامێدی- تایبەت بە kdp.info/ ل گورەی وێ ئامارا ژ پشكا هاتن و چونا ئامێدیێ ب دەست مە كەفیت د 20 رودانێن هاتن چونێ دا ل دەڤەرا ئامێدیێ 33 كەس بوونە قوربانی ژ وان ژی روودانان ژی 9 پێكدادان و 11 وەرگەریان هاتینە توماركرن .

نەقیب بەیار ئیبراهیم بەرپرسێ پشكا پولیسێن هاتن و چونێ ل ئامێدیێ دیاركر، كو ل سالا بوری ل دەڤەرا ئامێدیێ 20 روودانێن ترافیكێ دروست بووینە كو چوار كەسان دڤان روودانان دا گیانێ خوە ژدەست داینە كو دوو ژوانا زارۆك بوونە و دگەل ژنەك و شوفێرەكێ و گۆت: (هەر دڤان روودانان دا 26 كەس بریندار بووینە و هندەك ژ وانا ژی برینێن وان یێن سڤك بووینە).

بەریار ئیبراهیم ئەو یەك ژی دیاركر، كو دسالا 2011 دا 25 روودانێن هاتن و چونێ ل دەڤەرێ دروست ببوون و كو تێدا نەه كەسان گیانێ خوە ژ دەست دابوو و هەروەسا 40 كەسێن دن ژی بریندار بووینە و ب ڤێ یەكێ ژی دیار دبیت ب رێژا 50% ژ سەدێ قوربایێن روودانێن هاتن و چوونێ ل دەڤەرێ كێم بووینە.

نەقیب بەیار ئیبراهیم ئەگەرێن كێمبوونا روودانێن هاتن و چونێ ل سالا 2012 ڤەگەراند بۆ پتر ب هێزكرنا پێرابونێن یاسایی و سەخبێكرنا رێكێن سەرەكی یێن دەڤەرێ و گۆت: ( ئەگەرێن روودانێن سالا 2012 ژی بۆ لەزاتیا شوفێران و نە پێگیری كرن ب رێنمایێن هاتن و چونێ بوونە).

دلداررەشاڤەی