رافع عیساوی داوای یارمەتی لە ئەمەریكا دەكات
عێراق – تایبەت بە kdp.info / رافع عیساوی داوای لە باڵیۆزی ئەمریكا لەعێراق رۆبەرت بیكرۆفت كرد، یارمەتی چارەسەركردنی كێشەكانی عێراق بدات، لەبەیاننامەیەكدا نوسینگەی وەزیری دارایی عێراق رایگەیاند: رافع عیساوی لەگەڵ رۆبەرت بیكرۆفت كۆبووەوە و داوای كرد ئەمریكا رۆلی خۆی لەچارەسەكردنی كێشە سیاسییەكان ببینێت و فشار بۆ سەر حكوومەتی عێراق دروست بكات، لەبەیاننامەكەدا هەوەها ئاماژە کراوە: كە عیساوی داوای لە ئەمەریكا كردووە هەمان ئەو رۆلەی پێشووی ببینێت كە لەپاش روخانی رژێمی سەدام حوسێن لەعێراق بینیویەتی و فشار بخاتە سەر هەر پێكهاتە و لایەنێكی سیاسی كەهەوڵی تێكدانی بارودۆخی سیاسی عێراق دەدات، بەیاننامەكە ئەوەشی خستۆتە روو: كە عیساوی و بیركرۆفت ، باسیان لەداواكارییەكانی خۆپیشاندەران و هەڵوێستە لاوازەكانی حكوومەتی عێراق كردووە و جەختیان لەسەر ئەوە كردۆتەوە كە پێویست دەكات، بەرژەوەندی نیشتیمانی پێش بەرژەوەندییە تایبەتیەكان بخرێت.
