ل 40 مزگەفتێن سنورێ دهۆكێ ژدایك بونا پێغەمبەری دهێتەساخكرن

دهوك- تایبت ب kdp.info/ بهەلكەفتا ژدایك بونا فەخرێ كائیناتا محەمەد سلاڤێت خودێ ل سەر بن، رێڤەبەریا گشتی یا ئەوقاف و كاروبارێن ئاینی ل دهۆكێ ب هەڤكاری دگەل ئێكەتیا زانایێن ئایینی لقێ دهۆك چەندێن بەرهەڤی كرینە بو ساخكرنا روژا ژ دایك بونا پێغەمبەرێ خوشتڤی محەمەد سلاڤ ل سەر بن.

مەلا ئەنەس محەمەد بەرپرسێ لقێ دهۆك یێ ئێكەتیا زانایێن ئایینێ ئیسلامێ لقێ دهۆك بو (kdp.info) راگەهاند: مللەتێ كورد وەكو هەموو مللەتێن جیهانێ روژا ژدایكبونا پێغەمبەرێ خوشتڤی ساخدكەت بو ئەڤ سالە ژی مە چەندین بەرهەڤی كرینە كو ل روژا پێچ شەمبی 24/1 ل هەموو قەزا و ناحێن پارێزگەها دهۆكێ ئاهەنگێن ئایینی یێن بەرفرەه بگێرین ل سەنتەرێ دهۆكێ ل مزگەفتا سەلاحەدین ئەیوبی و 40 مزگەفتین دی دێ دهێتە ساخكرن.

مەلا ئەنەس خویاكر ژی ژبلێ ئاهەنگێن هونەری چەندین چالاكێن دی ژی بڤێ هەلكەفتێ دهێنە ئەنجامدان و شریناهی ژی هاتینە ئامادەكرن ل سەر ئامادەبویان دا دهێنەبەلاڤكرن گوت داخازێ ژ هەموو وەلاتیان دكەین هەر كەسەكێ دڤێت بلا بەشداریێ د ئاهەنگێن ژ دایك بونا فەخرێ كائیناتا محەمەد سلاڤێن خودێ ل سەربن بكەت.

عەبدوڵڵانهێلی