لقا 1 یا پارتی سوزدا پەنابەرێن روژئاڤا ل كەمپا دومیز هەمی شیانا بمەزێخن بو چارەسەركرنا كێشەێن وان

دهوك- تایبت ب kdp.info/ ب مەرەما ئاگەهداربوون لدور رەوشا لاوێن كوردێن روژئاڤایێ كوردستانێ ل كەمپا دومیز یا پەناەبەران شاندەكێ رێكخراوێن جەماوەری و پێشەیێ یێن لقا 1 یا پارتی دیمكراتی كوردستان ب سەرپەرشتیا بەهجەت ئاڤدەل كارگێرێ لقێ 1 سەرەدانا كەمپا دومیز یا كوردێن روژئاڤایێ كوردستانێ كرن ، دڤێ سەرەدانێ دا چاڤ ب لژنا سەرپەرشتیا كەمپا ناڤبری كەفت و د پەیڤەكی دا بەهجەت ئافدەل ئاماژە كرە بارودوخێ روژئاڤایێ كوردستانێ و نویترین پێشهاتەیێن دهێنەرودان و پاشەروژا روژئاڤا و ژلایەكێ پەیڤا خودا كارگێرێ لقا 1 رولێ لاوێن كوردستانا روژئاڤا دڤێ قوناغێ دا و ئێك رێزیا كوردان ب گرنگ قەلەمدا ژبو بدەستڤەئینانا دەستكەفتێن زێدەتر.

ژلایەكێ دیتر ڤە پشتەڤانیا لقا 1 دیاركرن بو لاوێن كەمپێ و پەیداكرنا پێداویستێن وان و پاشان 40 دەستێن جل و بەرگێن وەرزشی ل سەر تیپێن كەمپێ دا هاتنە بەلاڤكرن كو ب هاریكاریا شاكر ئەحمەد هاتبونە دابینكرن ل دوماهیێ ژی كوهداریا كێشە و گازندە و داخازیێن پەنابەران هاتەكرن و شاندێ ناڤبری سوزدا كو هەمی شیان بهێنە مەزاختن ژبوی چارەسەركرنا كێشەیێن پەنابەرێن روژئاڤا ل كەمپا دومیز.

عەبدوڵڵا نهێلی