نەه قوتابیێن زانکۆیا دهۆک ژ خواندنێ هاتنە دەرێخستن

دهۆک تایبەت بە kdp.info/ سەروکێ لقێ دهۆک یێ ئێکەتیا ماموستایێن کوردستانێ دیارکر پشتێ وەزارەتا خواندنا بلند ئەڤ سالە دەرگەهێن زانکۆیان بو ماموستایێن پەروەردێ ڤەکرین کو ماموستایێن باوەرناما دبڵومێ و دەرچویێن ئامادەیێ و پێشەیێ هەیى دشێن ل زانکویێن هەرێمێ بەردەوامیێ بدەنە خواندنا خو بو بلندکرنا ئاستێ زانستى و وەرگرتنا باوەرنامیێن بەکالوریوسێ ل پارێزگەها دهۆکێ 306 ماموستا ل زانکۆیا دهۆک و ئاکرێ هاتنە وەگرتن.
وەهبى یونس  سەروکێ لقێ دهۆک یێ ئێکەتیا ماموستایێن کوردستانێ بو  kdp.info ئاشکراکر دناڤ ئەو ماموستایێن ل زانکویێن دهۆکێ هاتینە وەرگرتن نەه سەرپەرشتیارێن پەروەردێ تێدابون ژنو دخواند بو بلندکرنا باوەرناما خۆ، بەلێ وەزارەتا خواندنا بلند ب نڤیسارەکێ ئەم هایدارکرین کو نابیت سەرپەرشتێن پەروەردێ ژنوو ببنە قوتابى و بخوینن بڤێ چەندێ ژى  9 قوتابى کو سەر پەرشتێن پەروەردێ بون ل زانکۆیا دهۆکێ پشتى پتر ژ مەهەکێ دەوام کرین هاتینە دەرێخستن.
وەهبى گوت ژى مە گەلەک بزاڤ  دگەل وەزارەتا خواندنا بلند کرن بو زڤراندنا هەر نەه سەرپەرشتێن  پەروەردێ کو بەردەوامیێ بدەنە خواندنا خو، بەلێ وەزارەتێ دیارکر کو ل هەولێر و سلێمانیێ چ سەرپەرشت نەهاتینە وەرگرتن ژبەر هندێ ل دهۆکێ ژى هاتینە دەرێخستن، لێ سوز دا بو سالا بهێت جارەکا دى چاڤپێکەفتن دگەل وان بهێتەکرن.

 

عەبدولا نهێلى/ دهۆک