20 شوفێرێن تانکەرێن بەلاڤکرنا گازا سپى ل دهۆکێ هاتینە سزادان
دهۆک تایبەت ب kdp.info/ سەرپەرشتێ بەلاڤکرنا گازا سپى ل پارێزگەها دهۆکێ راگەهاند د شەش هەیڤێن دوماهیێ یێن سالا 2012 ل دەڤەرێن چیایى یێن سنورێ پارێزگەها دهۆکێ سێ پەرمیلێن گازا سپى ل سەر وەلاتیان دا هاتینە بەلاڤکرن، پشتێ ئەو پێلا بەفرو بارانێ ئەوا لڤێ دوماهیێ ل هەرێما کوردستانێ ڤەگرتى و لدوڤ پێدڤیا وەلاتیان لدەڤەرێن چیایێ دەڤەرا ئامێدیێ و زاخۆ بەرمیلەکێ دى ژ پێتا 5 و 6 یا گازا سپێ دهێتە بەلاڤکرن و سێ روژە دەست ب بەلاڤکرنا گازێ هاتیەکرن ل ناحیا کانى ماسێ و ناحیا دێرەلوکێ لسنورێ قەزا ئامێدیێ گاز هاتیە بەلاڤکرن بو هەر پلێتەکێ 216 لیتر ب 41 هزار دینار دهێنەدان و یا بەردەوامە.
خورشید حسێن بو (kdp.info) ئاشکراکر لژنەک بو دیڤچوونا بەلاڤکرنا گازا سپى ل هەموو قەزا و ناحیێن سنورێ پارێزگەها دهۆکێ هاتینە پێک ئینان هەر شوفێرەکێ تانکەرێن بەلاڤکرنا گازێ کێم گازێ بدەتە وەلاتیان یان ژى پارێ زێدە ل وەلاتیان وەرگریت دهێتە سزادان گوت دپێلا بەلاڤکرنا گازا سپى دا ل سنورێ پارێزگەها دهۆکێ 20 شوفێران سەرپێچى کرینە ل دوڤ یاسایێ هاتینە سزادان.
خورشید زێدەتر راگەهاند هندەک ژ وان شوفێران ب ملیونەک تا دوو ملیون دیناران هاتینە غەرامەکرن و سزادان و هندەک ژى ژ کارێ وان هاتینە دەرێخستن.
عەبدولا عەلى/ دهۆک
