چوار لە بریندارەكانی كردەوە تیرۆریستییەكەی كەركووك رەوانەی توركیا كران

تایبەت بەkdp.info/ چوار لە بریندارەكانی كردەوە تیرۆریستییەكەی شاری كەركووك بۆ چارەسەركردن رەوانەی نەخۆشخانەكانی ئەنقەرە كران، ئاژانسەكانی هەواڵ لە توركیا رایگەیاند: دوای ئەوەی چوار برینداری رووداوەكەی كەركووك لە رێگای سنووری ئیبراهیم خەلیلەوە گەینرانە شاری ئامەد، لەوێشەوە لەرێگای فرۆكەی ئەمبوڵانسەوە هەر چوار بریندارەكان دەستبەجێ رەوانەی نەخۆشخانەكانی ئەنقەرە كران، لەوێش چارەسەری پێویستیان بۆ دەكرێت، شایەنی باسە رۆژی 16ی كانوونی یەكەم لە كەركووك و خورماتوو دوو هێرش كرایە سەر بارەگاكانی پارتی دیموكراتی كوردستان و یەكێتی نیشتمانی كوردستان لەدەرنجامدا 31 كەس شەهید و بە دەیانی دیكەش برینداربوون.