روژانە چار هزار پەنابەرێن روژئاڤا دهێنە هەرێما کوردستانێ

دهۆک تایبە ب kdp.hnfo/  ژبەر ئەگەرێن جورەو جور روژانە نێزیکى چار هزار پەنابەرێن روژئاڤایێ کوردستانێ  هاتن و چونێ ل سەر سنورێ دناڤبەرا روژئاڤایێ کوردستانێ و هەرێما کوردستانێ دا دکەن.
غەمگین بەشار گەنجەکێ خەلکێ باژێرى دێرکێ یە کو بو جارا دویێ هاتیە هەرێما کوردستانێ ل گوندێ شلیکیێ ل سەر سنورێ سوریا و هەرێما کوردستانێ دچاڤپێکەفتنەکێ دا بو (kdp.info) دیارکر بو جارا دویێ دهێمە هەرێما کوردستانێ بو پەیداکرنا خارنا روژانە بو خێزانا خو، جارا ئێکى من نێزیکێ( 20کلغ) برنجى کرین ب دوراتیا 3 دەمژمێرا ب پەیادە برن گوت ڤێ گەرێ ژى من کارتونەکا مریشکا دگەل هندەک توڤێ چایێ برینە، گوت رەوشا کوردین روژئاڤا ژلایێ برسیبونێ ڤە گەلەک تێک چویە.
غەمگین زێدتر دیارکر روژانە نێزیکێ 4 هزار پەنابەر هاتن چونێ د ناڤبەرا سوریێ و هەرێمێ دا دکەن ژوانا روژانە پتر ژ 500 پەنابەر دهێنە هەرێما کوردستانێ و ناڤەگەرنە ڤە، بەشەک ژ پەنابەران ژى بو ڤەگوهاستنا کەل و پەلێن کەس و کارێن خو بەرامبەر پارە دڤەگوهێزن، دڤەگەنەڤە، هەوەسا بەشەکێ دى بو پەیداکرنا خوراکێ روژانە یێن زاروکێن خو دهێنە هەرێمێ خوارکى بدەست خو ڤە دئینن بو زاروکێن خو دبەن.
مەقبیلا رەمەزان ژنەکا 56 سالى دیارکر سێ زاروکێن من ل کەمپا دومیزن ل دهۆکێ چار ژى ل مال ل قامشلونە هاتمە سەرەدانا زاورکێن خو بدەم ل دومیزبو  kdp.info گوت حەفتى یەکێ ل کەمپا دومیز مام من زاروکێن خو دیتن رەوشاوان گەلەک باش بوو حکومەتا هەرێما کوردستانێ هەموو هاوکارى بو کرینە، جارەکا دى ڤەگەرمە ڤە بو قامشلو.
ژلایێ خوڤە ژى هاشم سیتەیێ فەرماندێ لیوا 8 یا وەزارەتا پێشمەگێ هەرێما کوردستانێ کو پاراستنا سنورێ سوریا و هەرمێ ل دەڤەرا زمار دکەت بو (kdp.info)  گوت 24 دەمژمێران سنورێ هەرێمێ بو لێقەوماوێن کوردێن روژئاڤا یێ ڤەکریە ئەو کەسێن بو بدەستڤەئینانا ئازوقێ روژانەیێ زوراوکێن خو دهێنە هەرێمێ رێک لێ ناهێتە گرتن، بەلێ ئەو کەسێن بو کارێ قاچاغیێ دهێن ئەم رێکێ لێ دگرین گوت 98% رێک بو کارێ قاچاغ ژلایێ پێشمەرگێن هەرێمێ ڤە هاتینە کونترولکرن.