31 حالەتێن توندو تێژیا سکسى ل دهۆکێ هاتینە تومارکرن
دهۆک تایبە ب kdp.hnfo/ ل دوڤ ئامارا رێڤەبەریا بەرهەنگاربونا توندو تیژیا دژى ژنان ل پارێزگەها دهۆکێ دسالا بوریدا 31 حالەتێن توند و تێژیا سکسى بەرامبەر ژنان هاتینە تومارکرن و 19 ژنان ژى گیانێ خۆ ژ دەستدایە.
هەر ل دوڤ ئامار بەرەنگاربونا توند و تیژیا دژى ژنان ئەو کێشەیێن ل سالا 2012 ل دهۆکێ هاتینە تومارکرن زێدەتر بون ژ کێشەیێن سالا 2011 دا 848 کێشە بەرامبەر 771 کەێەشیان ئەو یەک ژى د ئامارا توندو تیژیا دهۆکێ دا هاتیە کو دسالا بوریدا 35 ژن ل سنورێ پارێزگەها دهۆکێ هاتینە سوتن و 25 ژنان ژى خو سوتینە گیانێ خو ژ دەست داینە.
دەبارەى حالەتێن سکالایان ل پارێزگەها دهۆکێ 729 سکالا ل رێڤەبەرێن توندو تیژیا دژى ژنان ل پارێزگەها دهۆکێ هاتینە تومارکرن زوربەیا وان ژى دناڤ بەرا خێزانان دا بون، پتریا وان سکالایان ل قەزا دهۆک کو 268 سکالا هاتبونە تومارکرن، هەر دوڤ ئامارا سالانە یا رێڤەبەریا بەرەنگاربونا توندوتیژیا دژى ژنان ل دهۆکێ د سالا بوریدا قەزا ئامێدیێ کیمترێن حالەتێن توندو تیژیێ هاتینە تومارکرن و بتنێ 19 حالەت ژ هەمى جوران هەبون و قەزا دهۆک زورترین حالەت هەبون کو 299 حالەت هاتینە تومارکرن.
عەبدولا عەلى/ دهۆک
