1000 تەنێن ئاری و ملیون لیترێن گازوایلێ ب فەرمی هاتنە رەوانەكرن بو كوردستانا روژ ئاڤا
تایبەت ب kdp.info/ دوهێ روژا 16/1/2013 ئێكەم كاروانێ هاریكاریێن سەروكێ هەرێما كوردستانێ كو ژ هزار تەنێن ئاری 200 تەنێن برنجی و ملیون لیترێن گازواییلێ پێكهاتبون ب رێكا ترێلا و تانكەرێن گازێ گەشتنە سەر لێڤا روبارێ دیجلە ل فیشخابور پاشان ب رێكا بەلەما هاتنە رەوانەكرن بو برایێن كوردێن روژئاڤایێ كوردستانێ كو د رەوشەكا برسیبونێ دا دژین كرن.
د: حەمید دەربەندی بەرپرسێ پەیوەندیێن گشتی یێن سەروكێ هەرێما كوردستانێ و بەرپرسێ ملەفێ سوری راگەهاند ئەڤە ئێكەم هاریكاریێن حكومەتا هەرێما كوردستانێ ب بریارا سەروكێ هەرێمێ كوردستانێ دهێنە رەوانەكرن بو كوردێن روژئاڤایێ كوردستانێ ئەڤ هاریكاریە ژ 1000 تەنێن ئاری دگەل یەك ملیون لیترێن گازیلویێ و 200 تەنێن برنجی و كەل و پەلێن خارنێ ب فەرمێ ب رێكا سنورێ هەرێمێ وسوریا ل فیشخابور هاتنە رەوانەكرن بو كوردێن سوری.
هەروەها دیاركر كو دێ هارێكارێن هەرێما كوردستانێ دبەردەوامبن، ل دەمەكێ نێزیك ئەو رێخراوێن خێرخوازیێن جیهانی كو دیاركریە هاریكاریا كوردێن روژئاڤابكەن ئەو ژی هەر ب هەمان رێك هاریكاریا دێ گەهننە براێن كوردێن روژئاڤا، گوت فرێكرنا هاریكاریان ب ساناهی نینە هەمی ب رێكا بەلەمێن 7 تەنی دهێتە دەرباسكرن ل رووبارێ دیجلە و گازواییل ژی ب رێكا بورێن پلاستێكی دهێتە رەوانەكرن.
دپەیڤەكێ دا حەمید ئاشكراكر ئومێدەوارین ل دەمەكێ نێزیك دا بشێن پرەكێ ل فیشخابور دروستبكەین، ببیتە پرەكا پەیوەندیان دناڤبەرا هەر دوو سنوران دا، گوت ژی دەمەك بوو هژمارەكا دەزگەهێن راگەهاندنێ ل سەر سنورێ هەرێمی و سوریا نەویێن دگوتن كو سنورێ سوریا هاتیە گرتن و سیرمەكریە بەلێ چ راستی بو نینن سنوری هەمی گاڤەكێ یێ ڤەكریە، دەمەكێ درێژە ئەم بزاڤێ دكەین دەرگەهەك ل سنورێ سوریێ و هەرێمێ بهێتەڤەكرن بو هندێ بشێن هاریكاریێن مروڤایەتی بگەهینینە خوشك وبرایێن خو ل روژئاڤایێ كوردستانێ.
دەربەندی ئاماژی دا وێ چەندێ كو ئەو هاریكارێن دگەهنە كوردستانا روژئاڤا دێ ل سەر هەموو لایەنان دا هێنەبەلاڤكرن كورد و عەرەبان هەر كەسێ ل كوردستانا روژ ئاڤا بژیت بێ جێوازی، سەروكێ هەرێما كوردستانێ گەهاندنا هاریكاریا بو روژئاڤا یێ كوردستانێ گەلەك گرنگی پێ دایە روژانە داخاز ل مەدكرن كو بزاڤێ بكەین هاریكاریا رەوانەبكەن.
گوت ل كوردستانا روژئاڤا ژی لژنەكا 40 كەس هاتیە پێك ئینان بو برێڤەبرنا كارو بارێن هاریكاریا ل روژئاڤا 6 كەس دێ سەرپەرشتیا هاریكاریا كەن تا دگەهینە باژێرێ دێركێ خوجهدكەن لژنەكا رێكخراوێن خێرخوازی ژی دێ سەرپەرشتیا كەل پەلان كەت ئەو دێ بریارێ دەن كا ل كیش دەڤەرێ خەلكێ مەیێ كورد پتر پێدڤی ب وان كەل پەلانە دێ بەن ل سەر وان دا بەلاڤكەن.
ژلایێ خوڤەژی پارێزگەرێ دهۆكێ راگەهاند ژلایێ پراكتیكی ڤە رەوانەكرنا هاركاریا بو لایێ دی یێ روبارێ دیجلە نەكارەكێ ئاسانە، بەلێ دوێ باوەرێ دامە هاریكارێت زێدەتر ژی دێ هێنە رەوانەكرن، ئەڤ دەرگەهە دێ یێ ڤەكریبیت بو هەر خێر خوازەكێ یان رێكخراوێن مرڤایەتێ كو بڤێن هاریكاریان بو كوردێن روژئاڤایێ كوردستانێ فرێكەن.
تەمەر رەمەزان زێدەتر دیاركر ئەو كەسێن ل سەر گەهاندنا هاریكاریا ل سەر روبارێ دیجلە كاردكەن ب شەڤ روژ دێ كاركەن بو دەرباسكرنا وان هاریكاریا، ئنشالا ل دوو هەیڤێن بهێت دا دێ پرەكا سەفری هێتەدانان كو ژ ئاریشا بەلەما رزگاربین، هەر نوكە ژی كومپانیەك كار ل سەر دروستكرنا پرەكا دا كونگریتی ل فیشابور دروستبكەن ل داهاتەكێ گەلەك دور ژی كار ل سەر بهێتەكرن.
دهۆك- عەبدوڵڵا عەلی
