سه‌رۆكێ هه‌رێما كوردستانێ ژ به‌ر ته‌قینێن كه‌ركووكێ نامه‌یه‌كه هه‌ڤخه‌می و هه‌ڤپاریێ ژ هه‌ڤسه‌رۆكێن به‌ده‌په وه‌رگرت
برێز مه‌سوود بارزانی
سه‌رۆكێ هه‌رێما فه‌ده‌رال ئا كوردستانێ
ئه‌م ئیرۆ ب ئاگاهیا كو د ئێریشێن هه‌موه‌ختێن ل هه‌مبه‌ری بورۆیێن پدك ئێ یێن ل هه‌رێما كه‌ركوكێ كو د ئەنجاما وان ده هه‌ری كێم 21 كه‌س ژیانا خوه ژ ده‌ستدانه و ب سه‌دان ژی بریندار هه‌نه, گه‌له‌ك خه‌مگینبوون و هه‌لبه‌ت پێره ژی هێرسا مه بلندبوو.
ل هه‌مبه‌ری د پێڤاژۆیه‌كه وها ده كو كورد هێ ژی ب كۆمكوژیان و ب سوكاستان ره روو ب روو دمینن ژ بلی یه‌كیتی و پشتگریا كوردان یا ب هه‌ڤره پێڤه تو چاره‌یه‌كه كوردان توونه‌یه.
ئه‌م ڤێ ئێریشا كو ل كه‌ركووكێ پێكهات نه ته‌نێ ل هه‌مبه‌ری رێڤه‌به‌ریا هه‌رێما فه‌ده‌رال ئا كوردستانێ د هه‌مان ده‌مێ ل هه‌مبه‌ری ده‌ستكه‌فتیێ, هه‌ڤپارێن هه‌موو كوردان دبینن.
ئه‌م دخوازن كو جه‌نابێ وه بزانبه كو پارتیا ئاشتی و ده‌مۆكراسیێ و گه‌لێ مه كه‌سێن كو د ڤان ئێریشان ده ژیانا خوه ژ ده‌ست دانه وه‌كی شه‌هیدێن خوه دبینین, ئەم ب ڤێ وه‌سیله‌یێ دیسا دوباره دبێژین كو د شادی و به‌خته‌وه‌ریێ ده د ئێش و ئازاران ده ئەمێ تم ل جه‌م وه بن.
ئه‌م ژ شه‌هیدێن خوه یێن كو د ڤان ئێریشان ده ژیانا خوه ژ ده‌ستدانه ژ خوه‌دێ ره‌همه‌ت و ژ برینداران ره شفایێ دخوازن.
ب سلاڤ و هورمه‌تێن دلگه‌رم.
گولته‌ن كشاناك هه‌ڤسه‌رۆكا گشتی یا به‌ده‌پێ
سه‌لاهه‌ددین ده‌مرتاش هه‌ڤسه‌رۆكێ گشتی یێ به‌ده‌پێ
