مەسروور بارزانی: چارەنووسی عێراق بەرەو پاشەڕۆژێكی رەش و نادیار دەڕوات

ئەڤرۆ رۆژا ئێک شەمبی رێکەفتی 27/5/2012 ێ، مەسرور بارزانی پێشوازی ل پەرلەمانتار و سەروکێ کومیتەیا بەرگریێ ل پەرلەمانێ ئیتالیا بەرێز جیانی ڤێرنێتی کر.
درۆینشتنەکا دوستانەدا، مەسرور بارزانی ب خێرهاتنەکا گەرم ل پەلەمانتارێ ئیتالی کر و هیڤی خواست کو پەیوەندیێن موکمێن هەردوو ئالیا د داهاتی دا پتر و خۆرتتر لێبێن و بەردەوام بەرەف پێش بچن دهەمی بوارێن ژیانێ دا نەمازە بوارێن گرێدای خزمەت و ژیان و ژیارا هەوڵاتیان دا.
ژلایێ خۆڤە جیانی ڤێرنێتی خۆشحالیا خۆ هەمبەر پێشکەفتن و ئاڤەدانی و ئێمناهیا ل کوردستانێ دەربڕی و هیڤیا بەردەوامی و پێشکەفتنا زێدەتر بۆ گەلێ کورد خاست و ئامادەیا وڵاتێ ئیتالیا نیشاندا ژبۆ ئالیکاریکرن دپێشخستنا ژێرخانا ئابوری و پیشەسازیا کوردستانێ.
هەروەسا دلایەکێ ڤێ کومبونێ دا بەحسێ رەوشا سیاسی ل هەرێما کوردستانێ و عیراقێ و دەڤەرێ بگشتی هاتەکرن و دبارا نویترین پێشهاتێن پروسیێسا سیاسی ل عیراقێ، مەسرور بارزانی هەلویستێ نەگۆرێ سەرکردایەتیا سیاسیا کوردستانێ دووبارەکرڤە کۆ دگەل چارەسەرکرنا هەمی قەیرانێن سیاسی نە ب رێکا دیالۆگ و لێک تێکگەهشتنێ و لسەر بنەمایێن دەستورێ هەردەمیێ عیراقێ زێدەباری رێکەفتنا هەولێرێ کو لسەر بنەمایێن وێ حکومەتا نها یا عیراقێ هاتیە پێک ئینان.
مەسرور بارزانی خۆیاکر هەر سستیەک دچارەسەرکرنا قەیرانا سیاسیا نها ل عیراقێ بگشتی و کێشەیێن هەلاویستی یێن دنێڤبەرا حکومەتا هەرێما کوردستانی و حکومەتا فێدرال دا ب رەنگەکێ تایبەتی مەترسیێن مەزن و کاریگەرن ل سەر تەمامی پروسێسا سیاسی ل عیراقێ و گەرهاتوو بەرژەوەندا هەمی خەلکێ عیراقێ لبەر چاف نەئێتەوەرگرتن، بێ ی دوودلی دێ چارەنڤیسێ هەمی خەلکێ عیراقێ بەرەف پێشەرۆژەکا ڕەش و نەدیارڤەبەت.
ل داویێ جیانی ڤێرنێتی سوپاسیا هەلویستێ ژیرانەیێ سەرکردایەتیا سیاسی ل کوردستانێ کر ژبۆ پاراستنا هەڤسەنگیا سیاسی ل عیراقێ و هیڤیا بەردەوامی و پێشکەفتنێ بۆ پەیوەندیێن هەردوو ئالیا خاست.