ل دهۆكێ 1014 خانی ل سەر خێزانێن شەهید و ئەنفالكریان دا هاتینە بەلاڤكرن
تایبەت ب kdp.info/ رێڤەبەرێ گشتێ یێ شەهید و ئەنفالكریا ل پارێزگەها دهۆكێ راگەهاند كو د سالا بوریدا 1014 خانی ل سەر خێزانێن ئەنفالكریێن سنورێ پارێزگەها دهۆكێ دا هاتنە بەلاڤكرن ئەڤ خانی یە لسەر بوجەیا تایبەت و بودجەیا وەبەرهێنانێ هاتینە دابینكرن و كوژمێ گشتێ یێ پارەیێ بو ڤان خانیا هاتیە تەرخانكرن گەهشتی یە 27 ملیار 885 ملیون دینارا.
نسرەت محەمەد رێڤەبەرێ گشتێ یێ شەهیدو ئەنفالكریان ل دهۆكێ بو kdp.knfoدیاركر: ل دوڤ ئامارا رێڤەبەریا گشتی یا شەهیدان دماوێ سالا بورید 615 كرو كچێن شەهیدان ئەوێن نوی شەهیانا خۆ كرین و چوینە دهێلینا زێرین سولفا مارەبرینێ بو هاتیە تەرخانكرن، هەر ئێك ژوان 5 ملیون دینار بێ بەرامبەر وەرگرتینە و بو حكومەتا هەرێمێ ناڤەگەرینن گوت كوژمێ پارەیێ بو هاتیە تەرخانكرن گەهشتی یە 3 ملیار و 75 ملیون دینارا.
ل دور ئەو هاریكارێن بو كرو كچێن شەهید و ئەنفالكریان ئەویێن توشی نەخوشیان بوین نسرەت محەمەد حەسەن ئاشكراكر هەر كەسەكێ ئەندامێ خێزانا شەهیدو ئەنفالكریان بیت توشی نەخوشیەكا دوم درێژبییت رێڤەبەریا شەهید و ئەنفالكریان كوژمەكێ پارەیی ل دوڤ راپورتا نوشداری بو تەرخاندكەت و دماوێ سالا 2011 دا 204 كەسان ژ خێزانێن شەهیدان كوژمێن پارە یێن جودا جودا وەرگرتینە 240 ملیون دینار بو وان نەخوشان هاتینە مەزاختن.
حكومەتا هەرێما كوردستانێ دگەلەك بیاڤان دا هاریكاریا خێزانێن شەهید و ئەنفالكریان دكەت هەر كرو كچەكا شەهیدو ئەنفالكریان ل پەیمانگەه و زانكۆیێن ئەهلی بخوینن حكومەتا هەرێمێ و وەزارەتا شەهیدان كرێیا وان یا سالێ پێشڤەددەت، سالا بوریدا رێڤەبەریا شەهیدان كرێیا سالانە پێش 211 قوتابیان دایە 254،930،00 دینار بو هاتینە مەزاختن و ئەڤەژی دبیتە هاندەرەك بو قوتابێن كر و كچێن شەهید و ئەنفالكریان پتر گرنگیێ ب خاندنێ بدەن گوت سالا بوریدا 511 پارچەیێن ئەردی ل سەر خێزانێن شەهید و ئەنفالكرێن سەرجەم قەزایێن سەر ب پارێزگەها دهوكێ ڤە هاتینە بەلاڤكرن، رازەمەندی هاتیە كرن بو ئەڤ سالە پارچەیێن ئەردی بدەینە 1050 خێزانێن دێ یێن شەهیدان و ب هەڤكاری دگەل سەروكاتیا باژێرڤانیێن قەزایێن پارێزگەهێ نوكە بەرهەڤی بو دابینكرنا ئەردی دهێنەكرن، ل داهاتی دا دێ هەموو خێزانێن شەهیدان پارچە زەڤیان وەرگرن.
عەبدوڵڵا عەلی
