خورشید ئەحمەد: تا ئێستا شەش لیژنە راپۆرتیان لەبارەی پرۆژە یاسای بودجەی ھەرێمی کوردستان ئامادەکردووە
تایبه‌ت به kdp.info/ جێگری سەرۆکی لیژنەی دارایی لە پەرلەمانی کوردستان دەڵێت: تاوەکو ئێستا شەش لیژنە راپۆرتی خۆیان لەبارەی پرۆژە یاسای بودجەی ساڵی2013ی ھەرێمی کوردستان ئامادەکردوە.
خورشید ئەحمەد جێگری سەرۆکی لیژنەی دارایی لە پەرلەمانی کوردستان لەلێدوانێکی تایبەت دا بۆkdp.infoڕایگەیاند: تاوەکو ئێستا شەش لیژنە راپۆرتی خۆیان لەبارەی پرۆژە یاسای بودجە ئامادەکردووە و چاوەڕوان ده‌کرێت تاوەکو رۆژی پێنج شەممە ھەموو لیژنەکان راپۆرتی خۆیان ئامادە بکەن.
خورشید ئەحمەد گوتیشی: گەر تاوەکو رۆژی پێنج شەممە ھەموو لیژنەکان راپۆرتی خۆیان ئامادە بکەن، ئەوان دەتوانن ھەفتەی داھاتوو راپۆرتی کۆتایی ئامادەبکەن و رەوانەی سەرۆکایەتی پەرلەمانی کوردستانی بکەن.
ئەحمەد روونیشیکرده‌وە: پەپێی پەیڕەوی ناوخۆی پەرلەمانی کوردستان ھەر کاتێ لیژنەی دارایی راپۆرتی کۆتایی رەوانەی سەرۆکایەتی پەرلەمان کرد، دواتر چاپ دەکرێ و بەسەر ئەندامان دابەشده‌کرێ وسەرۆکایەتی پەرلەمانیش بۆی ھەیە دوای ٤٨ کاتژمێر دانیشتنی لەبارەوە سازبکات.
ناوبراو ئاماژەی بەوەش کرد: ئه‌گەر کارەکان وا بروات پێشبینی دەکرێ سەرتای مانگی داھاتوو پەرلەمان پڕۆژە یاسای بودجە بخاتە بەرنامەی کارەوە و گفتوگۆی لەبارەوە بکرێ بەمەبەستی پەسەندکردنی.
بڵند ئیبراھیم
