بەیانی شاندی سەربازی ھەرێم سەردانی بەغدا دەکات

بڕیارە بەیانی شاندی سەربازی ھەرێمی کوردستان بە مەبەستی گفتۆگۆکردنی لەبارەی کێشەکانی نێوان ھەرێمی کوردستان وحکوومەتی عێراق سەردانی بەغدا بکات.

لەمبارەیەوە ھەڵگورد حیکمەت بەرێوەبەری راگەیاندن و رۆشنبیری لە وەزارەتی پێشمەرگەی حکوومەتی ھەرێمی کوردستان لە لێدوانێکی تایبەتدا بۆkdp.infoڕایگەیاند: بڕیارە بەیانی شاندی سەربازی ھەرێمی کوردستان بەمەبەستی کۆبوونەوەی لیژنەی ھاوبەشی نێوان هەرێم و بەغدا سەردانی بەغدا بکات.

ھەڵگورد حیکمەت گوتیشی: ئەو شاندەی بڕیارە سەردانی بەغدا بکات کارنامەیەکی 9 خاڵیان پێیە و پێشکەشی لایەنی بەغدای دەکەن، بەڵام وردەکاری لەبارەی کارنامە نۆ خاڵییەکە ئاشکرانە کرد.

ناوبراو گوتیشی: شاندی ئەمجارە وەزیرانی ناوەخۆ و پێشمەرگەی لەگەڵ نییە، تەنیا جەبار یاوەر و فەریق شیروان و رەنگە ھەندێک لە پلەدارانی وەزارەتی پێشمەرگەش یاوەری ئەو شاندە بن.