لە یادی 25 ساڵەی تاوانی ئەنفالدا داوا لە پارلەمانەکانی (( ئەرمینیا، قوبرس، یۆنان)) کراوە ئەنفال بە جینۆساید بناسن

 

سوید- تایبەت بە   kdp.inf – سەرچاوەیەک لە دەرەوەی کوردستان سەبارەت بە پرۆسەی تاوانی جینۆساید بە kdp.info    راگەیاند: وەک دەستپێکی چالاکییەکانی یادی  25 ساڵەی تاوانی هەڵەبجەو ئەنفال ، لە ژێر ناوی هەرسێ  رێکخراو ((  Kurdocide Watch، Kurdistan without genocide، and Association of defending the victims and their families  )) هەڵمەتێکی سەرانسەری بۆ ناساندنی تاوانی ئەنفال بە پەرلەمانتارنی جیهان و فراکسیۆنەکانی ناو ئەو پارلەمانانە دەنرێت ،  لە نامەیەکی فەرمیدا داوایان لێکراوە  ناساندنی تاوانی ئەنفال  بە جینۆساید ببەنە ناو پەرلەمانەکانیانەوە و دەنگی پێبدەن ، لە دەستپێکی هەڵمەتەکە   نامە بۆ سەرجەم فراکسیۆن و پارلەمانتارانی   ولاتانی (( ئەرمینیا ، یۆنان ، قوبرس ))  نێردرا .

هەڵمەتەکە سەرجەم وڵاتانی جیهان دەگرێتەوە  جگە لە وڵاتی سوید ، بەدوایدا  هەمان نامە بۆ سەرجەم پارتە سیاسییەکان  و رێکخراوە  تایبەتمەندەکانی بواری جینۆساید و مافی مرۆڤ لە جیهان دەنێردرێت  ، لە نامەی دووەمدا داوا دەکرێت  ، سزا بەسەر ئەوانەدا بسەپێنرێت هاشا دەکەن  لە ئەنجامدانی  تاوانی جینۆساید  بەسەر گەلی کورددا ، تا لە رێگای  بڕیاری سەپاندنی سزاکەوە  دان بە حەقیقەتی  تاوانەکە لە لایەن حکومەتەکانەوە  بنرێت. هەڵمەتەکە سەرەتا ئەو وڵاتانە دەگرێتەوە  تیایدا تاوانی جینۆساید ئەنجامدراوە ، بە مەرجێک  لە باری  هەڵبژاردندا نەبن  .

لە گەڵ نامەکەدا  چەندین پەرتووک و بەڵگەنامەی گرنگ  بە زمانی ئینگلیزی  نێردراوە.