بارزان.. شاندێكى پارتى دیموكراتى كوردستانى باكوور و شاندێكى ئافره‌تانى كوردستانى رۆژئاوا سه‌ردانى مه‌زارى نه‌مرانیان كرد
بۆ دووپاتكردنه‌وه‌ى سۆزو وه‌فاداری شاندێكی پارتی دیموكراتی كوردستانی باكوور كه پێك هاتبوون له بایرام ئه‌یاس و باران هه‌فره ئه‌ندامانی سه‌ركردایه‌تی پارتی دیموكراتی كوردستانی باكوور، سه‌ره‌دانی مه‌زاری نه‌مرانیان له بارزان كرد.
ل وێ ده‌رێ ژى ژبال كۆمیته‌یا پێشوازیێ ڤه هاتنه پێشوازیكرن و د رێوره‌سما سه‌ره‌دانێ ده پشتى دانینیا قه‌فتێن گولان ل كێله‌كتا تربا نه‌مران و خواندنا سوره‌تا فاتیحێ؛ د په‌یڤه‌كێ ده رۆلا و خه‌بتینا بارزانیێ نه‌مر د شۆره‌شێن كوردستانێ ده ب گرینگ و پر بوها قه‌بولكرن. ل ئالیێ دن شانده‌كه ئافره‌تێن كوردستانا رۆژئاڤا ب سه‌رۆكاتیا دیاجوان ئه‌نداما كۆمیته‌یا ناڤه‌ندی یا پارتیا ده‌مۆكراتا كورد الپارتی ل سوریێ سه‌رى ل مه‌زارێ نه‌مران ل بارزانێ خست و ژباڵ كۆمیته‌یا پێشوازیێ ڤه هاته پێشوازیكرن. د رێوره‌سما سه‌ره‌دانێ ده پشتی دانینا قه‌فتێن گۆلان و خوه‌ندا سوره‌تا فاتیحێ؛ په‌یڤا كۆمیته‌یا ناڤه‌ندی یا پارتا ده‌موكراتا كورد الپارتی هاته خوه‌ندن و تێده رۆَلا بارزانیێ نه‌مر د ته‌ڤگه‌را رزگاریخوازا كوردستانێ ده بلند نرخاند و و ب یه‌ك ژ سه‌ركرده‌یێن مه‌زن یێن جیهانێ قه‌بولكر. وه‌كى دن شانده‌كه قوتابی یێن قوتابخانه‌یا ناڤنه‌ته‌وه‌یی یا ئه‌مه‌ریكی كوردستان ل هه‌ولێرێ سه‌رى ل مه‌زارێ نه‌مران ل بارزانێ خست و د رێوره‌سما سه‌ره‌دانێ ده پشتی دانینا قه‌فتێن گۆلان و خوه‌ندنا سوره‌تا فاتیحێ؛ قوتابی یێن قوتابخانه‌یا ناڤنه‌ته‌وه‌یی یا ئه‌مه‌ریكی كوردستان په‌یڤه‌ك پێشكێشكر و تێده رۆلا مسته‌فا بارزانی وه‌كه رابه‌رێ ته‌ڤگه‌را رزگاریخواز یا گه‌لێ كوردستانێ بلند نرخاندن.
