هێزە ئەمنییەكانی ئێران زیاتر لە 100 سەر وڵاخی كاسبكارە كوردەكانیان كۆشت
تایبه‌ت به Kdp.info/ بە پێ سەرچاوەكانی هەواڵ لە رۆژهەڵاتی كوردستان، دوێنێ شەو هێزەكانی سوپای پاسدارانی ئێران لە ناوچەیەكی شاری سەردەشتدا هێرشیان كردووەتە سەر كاسبكارە كوردەكانی سەر سنوور و لە ئەنجامدا سەرەڕا بریندار كردنی چەند كاسبكارێك زیاتر لە 100 سەر وڵاخی كاسبكارانیشیان كۆشتووە.
سەرچاوەكان ئاماژەیان بەوە كردووە كە هێزەكانی سوپای پاسدارانی ئێران دەستیان بە سەر شت و مكەكانی ئەو كاسبكارانەیشدا گرتووە.
جێگای ئاماژە پێكردنە كە لە سەرەتا ئەمساڵەوە لە سەر سنووری نێوان باشوور و رۆژهەڵاتی كوردستان لە دەڤەری شۆشمێشدا لە ناوچەی نەوسووددا هێزەكانی سوپای پاسداران دەستیان بە سەر شت و مكی كاسبكارە كوردەكانی ئەو سنوورەیشدا گرتووە و دواتر ئەو شتانەیان بە نرخێكی ئەرزانتر فرۆشتووە بە كەسانی نزیكی خۆیان .
سەرچاوەكان ئاماژە بەوە دەكەن كە نرخی ئەم شتوومكانە زیاتر لە 120 میلیون تومانی ئێران بووە.
