په‌یامی سه‌رۆك بارزانی به بۆنه‌ی 36 ساڵه‌ی هه‌ڵگیرسانی شۆڕشی 26ی گوڵان
سه‌رۆكی هه‌رێم په‌یامێكی به‌بۆنه‌ی سی و شه‌ش ساڵه‌ی هه‌ڵگیرسانی شۆڕشی گوڵان، راگه‌یاند، تێیدا، سڵاو ررێزی بێ پایانی پیشكه‌شی هه‌موو ئه‌و پیشمه‌رگه دلێر و چاونه‌ترسانه كرد و رۆلی ئه‌وانی له ده‌ستكه‌وته‌كانی گه‌لی كورد به‌رز نرخاند، هه‌ر به‌و بۆنه‌وه سڵاو و ریزی بۆ گیانی یه‌كه‌م و سه‌رجه‌م شه‌هیدانی ئه‌و شۆڕشه نارد.
ئه‌مه‌ش ده‌قی په‌یامه‌كه‌یه:
ب ناڤێ خودێ مه‌زن و دلۆڤان؛
ب هه‌لكه‌تنا سیهى و شه‌شه‌م سالڤه‌گه‌را پێشخستنا شۆره‌شا گولانا پیرۆز سلاڤ و رێزه‌كه بێ داوى پێشكێشى هه‌موو وان پێشمه‌رگه‌یێن جان لسه‌ر ده‌ست و دلێر و چاڤنه‌ترس دكم كو رۆلا وان د ڤێ شۆره‌شا پر ژ ده‌ستخستى یا گه‌لێ مه ده هه‌بوویه كو وه‌كه به‌رده‌وامیدانا شۆره‌شا ئیلونا مه‌زن بوو كو ل ژێر رێنمایى و راسپارى یێن بارزانیێ نه‌مر هاته پێخستن.
هه‌ر زیندى به ئه‌ڤ بیرئانینا پر شكۆ و سلاڤ و رێز ژى ژبۆ جانێ پاقژێ یه‌كه‌م شه‌هیدێ شۆره‌شا گولانێ سه‌ید عه‌بدولا و هه‌موو شه‌هیدێن ڤێ شۆره‌شێ و شه‌هیدێن كورد و كوردستانێ و مالباتێن سه‌ربلندێن وان و هه‌موو گه‌لێ كوردستانێ كو هه‌رتم پشتگیرێ شۆره‌شێ بوون.
مه‌سعود بارزانى
25ى گولانا سالا 2012
