سه‌رۆكی هه‌رێمی كوردستان بروسكه‌یه‌كی سه‌ره‌خۆشی ئاراسته‌ی بنه‌ماڵه‌ی خوالێخشبوو عەبدولڕەحمان ئالوچی كەسایەتی دیاری كوردی سوریا كرد
به‌رێز مسعود بارزانی سەرۆكی هەرێمی كوردستان بروسكه‌یه‌كی سه‌ره‌خۆشی ئاراسته‌ی بنه‌ماڵه‌ی خوالێخشبوو عەبدولڕەحمان ئالوچی كەسایەتی دیاری كوردی سوریا كرد به‌بۆنه‌ی كۆچیی دوای خوالێخشبوو عەبدولڕەحمان ئالوچی ئه‌مه‌ش ده‌قه‌كه‌یه‌تی:
بەناوی خوای مەزن و دلۆڤان
خانەوادەی بەڕێزی خوالێیخۆشبێت عەبدولڕەحمان ئالوچی
سڵاوی خواتان لێبێت
بەدڵێكی پڕ لە بڕوا بەقەزا و قەدەری خودا هەواڵی كۆچی دوایی كەسایەتی دیاری كوردی سوریا عەبدولڕەحمان ئالوچی-م پێگەیشت.
بەم بۆنە خەمناكەوە لەبرای خۆتانەوە راستگۆترین پرسەو سەرەخۆشی قبوڵ بفەرموون و لەیەزدانی مەزن داواكارم خوالێیخۆشبێت بەر رەحمەتی خۆی بخات و بە بەهەشتی بەرینی شاد بكات و سەبووری و دڵنەواییشتان بداتەوە.
انا للە و انا الیه راجعون
مسعود بارزانی
سەرۆكی هەرێمی كوردستان
24/5/2012
