لە قامشلو كۆمۆنی كریستانەكان پێكهات
لە پێناو پەراوێز نەخستنی سریان و كلدان و ئاشور و ئەرمەنەكانی رۆژئاوای كوردستان، كە شان بە شانی كوردان سەدان ساڵە لە رۆژئاوای كوردستان دەژێن ، ئەنجوومەنی گەل لە شاری قامشلو لە گەڕەكی قدور بەگ كە زۆربەی دانیشتوانەكەی كریستانییەکانن، بە ئامادەبوونی ژمارەیەكی زۆر لە هاووڵاتیانی كریستان، كۆمۆنی گەڕەكەكەیان هەڵبژارد. جێی ئاماژەیە سەرچاوەکان ئاشکرایان کردووە کە 24 هاووڵاتی خۆیان كاندید كرد بۆ كۆمۆنی گەڕەك كە 7یان ژن بوون، مەبەست لەم هەڵبژاردنە دیاریکردنی كۆمۆنە بۆ بەرێوەبردنی راستەوخۆی گەڕەكە لەلایەن خۆیانەوە .
