سەرۆكی كوتلەی ئەحرار: مالكی کار بۆ چەكداركردنی خەڵكی ناوچە كوردستانییەكان دەکات
بەغدا/ تایبەت بە kdp.info/ بەها ئەعرەجی سەرۆكی كوتلەی ئەحراری سەر بەموقتەدا سەدر ریگەیاند: بیرۆكەی نوری مالكی سەرۆك وەزیرانی عێراق بۆ چەكداركردنی رۆڵەکانی دانیشتو انی ناوچە كوردستانییەكانی دەروەی هەرێم جێگای قبوول نییە و ئەو بیرۆكەیەش لەلایەن كۆتلەكەمانەوە رەتدەكرێتەوە ، لە بەیاننامەیەكدا كە دوای كۆبوونەوەی هاوپەیمانی نیشتمانی و فراكسیۆنە كوردستانییەكان خرایەروو، سەرۆكی كوتلەی ئەحرار گوتی تاكە چارەسەر بۆ كۆتایی هێنان بەتەنگەژەی ئێستای عێراق لە نێوان هەرێمی كوردستان و حكوومەتی ناوەند، گەڕانەوەیە بۆ دەستوور و پابەند بوون بە بەندەكانیەتیی ، لەبارەی دەنگۆی چەكداركردنی عەرەبەكانی دانیشتووی ناوچە كوردستانییەكانی دەرەوەی هەرێمیش، ئەعرەجی دەڵێت بیرۆكەی چەكداركردنی رۆڵەی دانیشتوانی ئەوناوچانە لە دوای كشانەوەی هێزەكانی سەربازی عێراق و پێشمەرگە، بەتووندی رەتدەكەینەوە و جێبەجێكردنی ئەو بیرۆكەیەش بەمانای دروستكردنی فیتنە و دووبەرەكی لە نێوان پێكهاتەكانی كورد و عەرەب و توركمان دادەنرێت، شایەنی باسە كۆبوونەوەی نێوان فراكسیۆنە كوردستانییەكان و هاوپەیمانی نێشتمانی كە زۆرینەی شیعەیە لە بەغدا سازكرا.
