دلێر عەبدولقار: پڕۆژە یاسای بودجەی 2013ی عێراق، بابەتی گرنگی بۆ هاووڵاتیان تێدایە
دلێر عەبدولقار ئەندامی لیژنەی دارایی لە ئەنجوومەنی نوێنەرانی عێراق تایبەت بە kdp.infoرایگەیاند لە پڕۆژە یاسای بودجەی 2013 دا كۆمەڵێك بابەتی گرنگی بۆ هاووڵاتیان دەستەبەر كراوە و هەمووشی لە خزمەتی فەرەمانبەران دایە، ئەم ئەندام پەرلەمانە لەسەر لیستی هاوپەیمانی كوردستانی ئاماژەی بە ناوەرۆكی پرۆژە یاساكە کرد و گوتی: ئەو بابەتە گرنگانە بریتین لە دامەزراندنی 65 هەزار پلەی وەزیفی كە بەشی شێر بەر هەرسێ وەزارەتی پەروەردە، ناوخۆ و تەندروستی عێراق دەكەوێت و هەرێمی كوردستانیش پشكی بەشێكی ئەو دامەزراندنانەی بەر دەكەوێت، ئەندامی لیژنەی دارایی لەئەنجوومەنی نوێنەرانی عێراق گوتیشی لە پرۆژە یاساكەدا فایزی قەرزەكانی خانووبەرە و كشتوكاڵ و پیشەسازی و فایزی سەر قەرزی 100 موچەیی فەرمانبەران لادراون و لە جیاتی ئەوان حكوومەت پارەکە دەدات. شایەنی باسە بوودجەی 2013ی عێراق 138 ترلیۆن دینارە و ئێستا لە ئەنجوومەنی نوێنەرانی عێراقە تا دوای دەنگدان لەسەری پەسەند بكرێت.
