لیستی ئەحرار : هەڵسەنگاندنی مالكی گرنگ نییە، چونكە دەخوازێت ئاراستەكان لە بەرژەوەندی خۆی بێت
ئەندامێكی كوتلەی ئەحراری سەر بەموقتەدا سەدر رایدەگەینێت هەڵسەنگاندنەكانی مالكی لەبارەی بەیاننامەكانی سەماحەتی موقتەدا گرنگ نییە، موشرق ناجی پەرلەمانتار لە ئەنجوومەنی نوێنەران لە لێدوانێكی بۆ تۆری راگەیاندنی عێراقی گوتی: نوری مالكی چونكە بەیاننامەكانی سەماحەتی موقتەدا سەدر لە بەرژەوەندی خۆی نابینێت، بۆیە رای نیگەتیڤی لەبارەیەوە هەیە، بەیاننامەكانی بەگشتی خۆی لەداخوازی خەڵكی عێراق دەبینیتەوە و سەماحەتی موقتەدا دەخوازێت عێراق بەیەكگرتوویی بمینێتەوە، بۆ ئێمە هەڵسەنگاندنی مالكی گرنگ نییە، بەڵكو هەڵسەنگاندنی میللەت گرنگە. .شایەنی باسە كوتلەكانی نێو ئەنجوومەنی نوێنەرانی عێراق بە هۆی بوونی چەند دۆسیەكی گەندەڵی و فەسادی ئیداری تۆمەت ئاراستەی یەكتر دەكەن .
