دانیمارك…لایەنە سیاسییەكانی كوردستان له‌ دانیمارك، هاو هەلوێست و یەكدەنگی باشوری كوردستانن

رۆژی هەینی رێكەوتی 2012-12-07 نوێنەرانی لایەنە سیاسیه‌کانی ‌هەرچوار پارچەی كوردستان لە كوپێنهاگنی پایتەختی ولاتی دانمارك كۆبوونەوە. دوای قسەكردن و راگۆرینەوە لە سەر بارودۆخی ئەمرۆی كوردستان و ئەم بارگرژیانەی له‌ نێوان هەرێمی كوردستان و حكومەتی عێراق بەهۆی دروستكردنی هێزی فەرماندەیی دیجلە و ناردنی سوپا لە لایەن مالكییەوە بۆ ناوچە دابراوەكان له نامه یه كدا ده لین

بۆ/ به‌رێزان

سه‌رکردایه‌تی سیاسی کورد، به‌ ده‌سته‌لات و ئۆپۆزسیۆنه‌وه‌

سه‌رۆکایه‌تی په‌رله‌مانی کوردستان

سه‌رۆکایه‌تی حکومه‌تی هه‌رێمی کوردستان

وه‌زاره‌تی پێشمه‌رگه‌ و فه‌رمانده‌ی گشتی پێشمه‌رگه‌ی کوردستان

بابه‌ت / ئیدانه‌و هه‌لوێست وه‌رگرتن

سلاوێکی گه‌رم

بەرێزان، وائەمرۆ رۆژی هەینی رێكەوتی 2012-12-07 ئێمە نوێنەرانی لایەنە سیاسیه‌کانی ‌هەرچوار پارچەی كوردستان لە كوپێنهاگنی پایتەختی ولاتی دانمارك كۆبوینەوە. دوای قسەكردن و راگۆرینەوە لە سەر بارودۆخی ئەمرۆی كوردستان و ئەم بارگرژیانەی له‌ نێوان هەرێمی كوردستان و حكومەتی عێراق بەهۆی دروستكردنی هێزی فەرماندەیی دیجلە و ناردنی سوپا لە لایەن مالكی یەوە بۆ ناوچە دابراوەكان بە پێویستمان زانی سەرنجی بەرێزتان بەم خالانه‌ی خوارەوه‌ راكێشین.

 1- ئێمەی لایەنە سیاسییەكانی كوردستانی له‌ دانیمارك، هاو هەلوێستیی و یەكدەنگی سەرجەم هێز و پارتە سیاسییەكانی باشوری كوردستان لە سەر مەسەلە نەتەوەیی یەكان و هاو هەلوێستییان لە بەرامبەر لە شكركێشی ئەم دواییەی حكومەتی ناوەندی بۆ كوردستان بەرز دەنرخێنین و جێ ی دلخۆشییه‌.

 2- بە توندی ئیدانەی جولاندنی هێز بەرەو كوردستان دەكەین و هاوكات له‌گه‌ڵ پشتگیری خۆمان بۆ مافە رەوا و دەستوریەكانی نەتەوەی كورد لە عێراق پیشتیوانی خۆشمان بۆ سەركردایەتی كورد لە پاراستنی بەرژەوەندییە نەتەوەیی یەكانی گەلی كوردستان دەردەبرین.

 3- هەموو هەوڵەكانی ئاشتیانە و لە سەروی هەموویانەوە هەوڵەكانی بەرێز بان كی مون سكرتێری گشتی نەتەوە یەكگرتووەكان و هەوڵەكانی مەرجەعەكانی شیعە بەرز دەنرخێنین و ئومێدەوارین هەموو لایەك بگەرێنەوە بۆ دیالۆگ و گفتوگۆی ئاشتیانە و لە چوارچێوەی دەستوری عێراق و گه‌رانه‌وه‌ بۆ په‌رله‌مان بە ئاشتیانە كێشە و گرفتەكان چارەسەر بكەن كە ئەمە رێگای دروست و مەنتیقیانەیە.

 ئێمەش لەم چوارچێوەیە پیشتیوانی لە مافە نەتەوەییەكانی گەلەكەمان لە باشوری كوردستان دەكەین و ئامادەی بەرگریكردنین له‌ گەل و وولاتە كەمان.

حزب و هێزه‌ سیاسییه‌کوردستانیه‌کانی به‌شداربووی کۆبوونه‌وه‌که‌

1. یه‌کێتیی نێشتمانی کوردستان
2. پارتی دیموکراتی کوردستان
3. پارتی دیموکراتی کوردستان/ باکور
4. حزبی دیموکراتی کوردستانی ئێران
5. حزبی دیموکراتی کوردستان
6. حزبی شیوعی کوردستان
7. ئه‌نجومه‌نی نێشتمانی کوردی سوریا
8. پارتی ئازادی کوردی سوری
9. پارتی دیموکلراتی یه‌کێتیی کورد/سوری
10. کۆمه‌له‌ی زه‌حمه‌ت کێشانی کوردستان
11. پارتی یه‌کێتیی دیموکراتی
12. پارتی سۆسیالیستی کوردستان ( PSK)
13. حزبی زه‌حمه‌تکێشانی کوردستان
14. پارتی ئاینده‌ی کوردستان