حەمید زەوبەعی: مالكی نە وتەبێژی پێكهاتەی عەرەبەو نە پارێزەری ئەو پێكهاتەیەیە
فراكسیۆنی عێراقییە رەخنەی لە لێدوانەكەی نوری مالكی سەرۆك وەزیرانی عێراق گرت كە بۆ راگەیاندنەكانی كوێت ئاماژەیدابوو بەوەی ئەگەر ئەمجارە شەر هەڵبگیرسێتەوە ئەوا شەری كورد و عەرەب دەبێت، رایانگەیاند كە مالكی نە وتەبێژی پێكهاتەی عەرەبەو نە پارێزەری ئەو پێكهاتەیەیە. حەمید زەوبەعی ئەندامی فراكسیۆنی عێراقییە لە لێدوانێكی رۆژنامەوانیدا رایگەیاند كە زۆر شتێكی نامۆ و سەرسورمانە سەرۆك وەزیرانی عێراق بەم شێوەیە قسە دەكات باس لە شەری كورد و عەرەب دەكات، جەختیشی كردەوە كە مالكی وتەبێژی پێكهاتەی عەرەب نییەو پارێزەری ئەوانیش نییە . زەوبەعی روونیشیكردەوە كە ئەو قەیرانەی نێوان بەغدا و هەولێر تەنها بۆ مەبەستی هەڵبژاردنەكانە.
