نوجه‌یفى: سه‌ركرده سیاسیه‌كان مۆڵه‌تى یه‌ك هه‌فته‌یان داوه به هاوپه‌یمانیى نیشتمانى بۆ گۆڕینى مالیكى
ئوسامه نوجه‌یفى سه‌رۆكى ئه‌نجوومه‌نى نوێنه‌رانى عێراق رایگه‌یاند سه‌ركرده سیاسیه‌كان كه له هه‌ردوو شارى هه‌ولێر و نه‌جه‌ف كۆبوونه‌وه مۆڵه‌تى یه‌ك هه‌فته‌یان به‌خشى به هاوپه‌یمانى نیشتمانى بۆ ئه‌وه‌ى نورى مالیكى سه‌رۆك وه‌زیران به كه‌سێكى تر بگۆڕن .
د هه‌ڤدیتنێ ده ئوسامه نوجێفێ دگه‌ل هن نوونه‌رێن ئالی یێن سیاسی ل مووسلێ راگه‌هاند كو ئالی یێن سیاسی یێن دیار و چالاك د پرۆسێسا سیاسی یا ئێراقێ ده گه‌هانه خوه‌سته‌كه‌كه راستینه ژبۆ گۆهه‌رتنا نوری مالكی.
گۆت ژی نها وه‌لات به‌ر ب ره‌وشه‌كه ئالۆز ڤه ده‌رباس دبه، ئه‌ڤ ژی ب ئه‌گه‌را نه‌بوونا وه‌كه‌هه‌ڤیا راستینه یه د برێڤه‌برنا وه‌لات ده و خوه سه‌پاندنا ئالیه‌كێ به‌رچاڤ ل سه‌ر ده‌ستهلاتێ و پشتگۆه خستنا ئالی یێن چالاكه.
هه‌روه‌ها سه‌رۆكێ جڤاتا نوونه‌ران ب توندی سیاسه‌تا نوری مالكی ره‌خنه كر و ته‌كه‌ز ژی ل سه‌ر وێ یه‌كێ كر د جڤینێن ئالی یێن سیاسی ده كو هه‌یامێن ده‌رباسبوویی ل هه‌ولێر و نه‌جه‌فێ هاتنه پێكانین گه‌هشتنه باوه‌را راستینه ژبۆ گۆهه‌رتنا نوری مالكی و پێویسته ئێدى سیاسه‌تا یه‌كئالی بداوی وه‌ره و رێ ژ بنپێكرنا مافێن مروڤان بێته ئانین. خویا ژى كر ته‌ڤایا ئالی یێن سیاسی ل سه‌ر وێ یه‌كێ رژدن كو دڤێ ره‌وشا نها یا سیاسی ل ئێراقێ بێته گوهه‌رتن.
