داوای بەدواداچوونی بۆ پرۆژەكانی ئاو لە كوردستان دەكرێت
بۆ پێكهێنانی لیژنەی تایبەت بەمەبەستی لێكۆڵینەوەو بەدواداچوون بۆ سستی و خراپی جێبەجێكردنی بەشێك لە پرۆژەكانی ئاوی چەند ناوچەیەكی هەرێمی كوردستان، سێ ئەندامی پەرلەمان داوایەك پێشكەش بە سەرۆكایەتی پەرلەمان دەكەن.
سیوەیل عوسمان ئەندامی پەرلەمانی كوردستان بۆ (kdp.info) گوتی" بەهۆی دواكەوتن و سستی لە بەڕێوەچوونی پرۆژەكانی ئاو لە هەرێمی كوردستان ئێمە وەكو سێ ئەندامی پەرلەمان داوایەكمان پێشكەش بە سەرۆكایەتی پەرلەمان كردووە بۆ ئەوەی بەزووترین كات لیژنەیەكی تایبەت بۆ بەدواداچوون و لێكۆڵینەوە لەو پرۆژانە پێكبهێنرێت ئەمەش بۆ چارەسەری ئەو گرفتە سەرەكییە.
گوتیشی "ژمارەیەك لە پرۆژەی جۆراوجۆر لە هەرێمی كوردستان لە وادەی خۆی دواكەوتووە بەتایبەتی پرۆژەكانی ئاو و دەمانەوێت لە رێگەی پێكهێنانی ئەو لیژنەیەوە كار بۆ بەدواداچوونی ئەو بابەت بكەین و بزانرێت كەمتەرخەمی لەلایەنی دابینكەری بودجەی پرۆژەكەیە یاخود لایەنی جێبەجێكار و لەدواكاریەكەدا ئاماژە بە پرۆژەی چەند ناوچەیەك داوە ئەمەش بۆ بەرچاو رونی زیاتری سەرۆكایەتی پەرلەمان و نمونەی زیندووشمان بۆ ئەو مەبەستە لەبەردەستدایە.
