دوو په‌رله‌مانتار: هه‌وڵ بۆ سه‌ندنه‌وه‌ى متمانه له نوورى مالیكى له‌ئارادایه
دوو ئه‌ندامى ئه‌نجوومه‌نى نوێنه‌رانى عێراق ئاشكرایان كرد كه چه‌ند جوڵه و هه‌وڵێك له نێوان كوتله سیاسییه‌كاندا هه‌یه بۆ ئه‌وه‌ى متمانه له نورى مالكى سه‌رۆك وه‌زیرانى عێراق بسه‌نرێته‌وه .
ژبال خوه ڤه جه‌واد به‌زونى ئه‌ندامێ بێ ئالى یێ جڤاتا نوونه‌ران راگه‌هاند كو پشتى بداویهاتنا هه‌یاما بێهنڤه‌دانا جڤاتا نوونه‌ران؛ ئالى یێن سیاسى دێ كار ژبۆ ژ ستاندنا باوه‌رێ ژ نورى مالكى بكن.
بالكشانده سه‌ر وێ یه‌كێ ژى هه‌ر یه‌ك ژ ئیبراهیم جه‌عفه‌رى سه‌رۆكێ هه‌ڤپه‌یمانیا نیشتمانى و ئه‌حمه‌د چه‌له‌بى سه‌رۆكێ كۆنگره‌یا نیشتمانى كه‌سێن هه‌رى نێزیكن پشتى مالكى كو پۆستا سه‌رۆك وه‌زیری یا ئیراقێ وه‌ربگرن.
جه‌واد به‌زونى گۆت ژى سه‌رۆكێن ئالى یێن سیاسى د جڤینا هه‌ولێرێ و نه‌جه‌فێ ده گه‌هشتنه وێ باوه‌رێ دڤێ گوهه‌رتنێن بنگه‌هین ل ئێراقێ بێنه كرن و هه‌یاما هه‌فتیه‌كێ ژى دانه مالكى داكو ده‌ست ب ریفۆرمان بكه؛ لێ د نها ده مالكى نكاره به‌رسڤا ڤان داخوازان بده، له‌ورا دكاره ئالى یێن سیاسى باوه‌رێ ژ مالكى وه‌ربگرن و داخوازا هه‌لبژارتنه‌كه به‌روه‌خت بكن.
ئه‌حمه‌د مه‌سارى ئه‌ندامێ جڤاتا نوونه‌ران یێ سه‌ر ب فراكسیۆنا عراقییه دووپاتكر د نها ده هن هه‌ول ژبۆ وه‌رگرتنا باوه‌رێ ژ نورى مالكى د ناڤبه‌را ئالى یێن سیاسى ده هه‌نه، ئه‌شكه‌ره ژى كر یه‌ك ژ وان هه‌ولان ئه‌وه برێز جه‌لال تاله‌بانى سه‌رۆك كۆمار ب ئاواكى فه‌رمى داخوازێ ژ جڤاتا نوونه‌ران بكه باوه‌رێ ژ نورى مالكى وه‌ربگره و كه‌سه‌كێ دن ژ هه‌ڤپه‌یمانیا نیشتمانى ڤێ پۆستێ وه‌ربگره.
