زیاتر لە 4200 خانوو بە كەسوكاری ئەنفالكراوان لە قۆناغی تەواو بووندایە

 بۆ خۆشتركردنی ژیان و گوزەرانیان وەزارەتی كاروباری شەهیدان و ئەنفالكراوان زیاتر لە 4200 خانوو بۆ كەسووكاری  ئەنفالكراوان دروست دەكات و لەئێستا بەشێكی زۆر ئەو خانووانە لە كۆتایی قۆناغەکانی تەواوبوون دان.

 فوئاد محەمەد بەڕێوەبەری راگەیاندنی وەزارەتی كاروباری شەهیدان و ئەنفالكراوان بۆ(kdp.info) وتی" هەروەك لە ساڵانی رابردوو وەكو وەزارەت رامانگەیاندبوو كە ژمارەیەك خانوو بۆ كەسوكاری سەربەرزی شەهیدان و ئەنفالكراوان دروست دەكەین و لەكابینەی شەشەمی حكوومەتی هەرێمی كوردستان پرۆسەی دروستكردنی خانووەكان چۆتە باری جێبەجێكردنەوەو ئێستا لەكۆی 4200 خانوو ژمارەیەكی زۆریان لە تەواوبووندان، بەتەواوبوونی ئەو خانووانە ژمارەیەكی زۆری كەسوكاری ئەنفالكروان دەبنە خاوەن خانوو و باری گوزەرانیان باشتر دەكرێت و دوای ئەوەش دەست دەكرێت بە دروستكردنی  خانوو بۆ كەسوكاری سەربەرزی شەهیدانی سەنگەر بۆ ئەوەی ئەوانیش سوودمەند ببن.

 هەولێر- بڕوا بەرزنجی