سەرۆک کۆمار پاڵپشتی خۆی بۆ سەربەخۆیی کاری کۆمسیۆنی باڵای هەڵبژاردنەکان دووپات دەکاتەوە
بەرێز جەلال تاڵەبانی سەرۆک کۆماری عێراقی فیدڕاڵ پاڵپشتی خۆی بۆ سەربەخۆیی کاری کۆمسیۆنی باڵای هەڵبژاردنەکان دووپات کردەوە .
ئەمەو لەمیانەی پێشوازی کردنی سەرۆک کۆماری عێراق لەدەستەی نوێی کۆمسیۆنی باڵای سەربەخۆی هەڵبژاردنەکان لە عێراق بەسەرۆکایەتی سەربەست مستەفا و ئەندامانی نوێی دەستەکە تاڵەبانی پێی ڕاگەیاندن کەکۆمسیۆن بەئەرکێکی گەورەی نیشتیمانی هەڵدەستێت لەپێناو پاراستنی رێرەوی دیموکراسی لەعێراقدا و بۆیە سەربەخۆیی و بێلایەنی کاری کۆمسیۆن زۆر پێویستە بۆ بنیات نانی دیموکراسیەت و پاراستنی رێڕەوی راستی دیموکراسیەت لەعێراقدا .
شیاوی باسە هەر لەدانیشتنەکەدا باس لە گرنگترین ئامادەکاریەکانی ئەنجامدانی هەڵبژاردنی ئەنجوومەنی پارێزگاکان کرا کەلەسەرەتای ساڵی داهاتوو ئەنجام دەدرێت
سەرچاوە : رۆژنامەی تەئاخی
