ئه‌مه‌ریكا: ئەمڕۆ سەرۆكی وڵاته‌كه‌یان هه‌ڵ ده‌بژێرن
ئەمرۆ سێشەممە، هاووڵاتییانی ئەمریکا بەرەو سندوقەکانی دەنگدان دەچن و سەرۆکێک بۆ کۆشکی سپی دیاری دەکەن.
ئەم هەڵبژاردنە لە کاتێکدایە کە بە گوێرەی راپرسییەکان، جیاوازیەکی کەم لە نێوان کاندیدی پارتی دیموکراتەکان و کۆمارییەکاندا هەیە و لەوانەیە لە هەندێ لە هەرێمەکان دەنگەکان کاریگەری زۆریان لەسەر هەڵبژاردنی سەرۆکی تازەی ئەمریکا هەبێ.
بە گوێرەی سەرچاوەکان، لە چەند سەعاتی کۆتایی بانگەشەکاندا رکابەرایەتییەکی زۆر توند لە نێوان ئۆباما و رۆمنیدا هەبووە.
باراک ئۆباما و میت رۆمنی، تا خولەکانی کۆتایی بانگەشەی هەلبژرادنەکان لەسەر سەردانی بەردەوام بۆ هەرێمەکان بەردەوام بوون بۆ ئەوە لایەنگرانی خۆیان زیاتر بکەن و بۆچوونی کەسانی سەربەخۆ زیاتر بۆ خۆیان رابکشێن.
ئەو وتاردان و سەردانانە بە جۆرێک بوو کە باراک ئۆباما دوێنێ دووشەممە بە دەنگی نوساوەوە قسەی دەکرد.
هەر دووکاندیدەکان جەختیان لە نەمانی بێکاری و کۆتایی هێنان بە قەرزە زۆرەکانی ئەم وڵاتە دەکردەوە،
