سەرۆکى هەرێمی کوردستان پێشوازى لە سیاسەتمەدارى کورد خاتوو لەیلا زانا دەکات
ئەمرۆ سێشەممە 23/10/2012 بەرێز مسعود بارزانى سەرۆکى هەرێمی کوردستان لە سەڵاحەدین پێشوازیکرد لە سیاسەتمەدارى کورد خاتوو لەیلا زانا کرد.
لە دیدارێکدا ، بیروڕا دەربارەى دوایین پەرەسەندنەکانى کوردستان و ناوچە ئاڵوگۆڕکرا.
لەو چوارچێوەیەدا سەرۆک بارزانى روونیکردەوە کە ئەم سەردەمە سەردەمى خەباتى پەرلەمانى و سیاسى و راگەیاندن و چارەسەرکردنى کێشە و گیروگرفتەکانە بە رێگەى دیالۆگى شارستانییانەى دوور لە توندوتیژى کە دەکرێ بە هۆیانەوە گەلەکەمان سوودیان لێ وەربگرێ.
خاتوو لەیلا زانا رۆڵى سەرۆک بارزانى لە کۆکردنەوەى ماڵى کورد و ئەو کێشانەى کە دێنە پێش پرسى کورد بە گرنگ وەسفکرد.
