ڕه‌وتى سه‌در دووپاتی كرده‌وه كه پێویسته ماوه‌ى هه‌ر سێ سه‌رۆكایه‌تیه‌كه به دوو خول دیاری بكرێت
جارێكى دیكه ڕه‌وتى سه‌در به سه‌رۆكایه‌تى موقته‌دا سه‌در دووپاتیكرده‌وه كه پێویسته ماوه‌ى هه‌ر سێ سه‌رۆكایه‌تیه‌كه وه‌زیران و سه‌رۆكایه‌تى و ئه‌نجوومه‌نى نوێنه‌ران له میانه‌ى كارنامه چاكسازیه‌كه هاوپه‌یمانى نیشتمانى دیاریبكرێت.
د ڤى وارى ده زیا ئه‌سه‌دى ئه‌میندارێ گشتى یێ ئالیێ سه‌در راگه‌هاند كو ئالیێ وان رژده لسه‌ر دانینا بڕگه‌یه‌كێ ل كارنامه‌یا چاكسازیا هه‌ڤپه‌یمانا نیشتیمانى، كو تێده ته‌كه‌ز لسه‌ر دیاریكرنا هه‌یاما هه‌رسێ سه‌رۆكاتیان بكه و گوت ژى، نها دیتن و نه‌رینێن یه‌كئالى د رێڤه‌برنا وه‌ڵات ده هه‌نه. هه‌ڤده‌م ئه‌میندارێ گشتى یێ ئالیێ سه‌در راگه‌هاند ژى ئه‌و كارناما چاكسازیێ كو ژبال هه‌ڤپه‌یمانا نیشتیمانى ڤه هاتیه ئاماده‌كرن، هێله‌كه گشتى ژبۆ گرفتاریان ل خوه دگره و، ب ته‌مامى خوه‌یا نییه و ته‌كه‌ز ژى كر كو ره‌وشا نها هه‌وجه‌دارى چاكسازیا د جه ده یه ب تایبه‌تى ژى د بیاڤێ كارگوزاریان ده كو ب ژیانا وه‌ڵاتیان ڤه یا گرێدایه. تێ زانین به‌ریا نها ژى موقته‌دا سه‌در ژبۆ دووركه‌تنێ ل جاره‌كه دن چێبوونا دیكتاتۆریه‌تێ ل وه‌ڵات، داخوازا دیاریكرنا هه‌یاما هه‌رسێ سه‌رۆكاتیان لگور دو خالان كریه.
له‌لایه‌كی دیكه‌وه سه‌باره‌ت به خستنه‌ڕووى پڕۆژه یاساى ژێرخانى ئابورى كه له لایه‌ن ده‌وڵه‌تى یاساوه پێشكه‌شى ئه‌نجوومه‌نى نوێنه‌ران كراوه. ئه‌ندامێكى ڕه‌وتى سه‌در ڕایگه‌یاند پڕۆژه یاساى ژێرخانى ئابورى مه‌رامێكى سیاسى له پشته‌وه‌یه و ئامانج له خستنه‌ڕووى بۆ ئه‌نجامدانى پڕوپاگه‌نده‌ى هه‌ڵبژاردنه.
د داخویانیه‌كێ ده جه‌واد شوهه‌یلی ئه‌ندامێ ئالیێ سه‌در راگه‌هاند كو رژدبون ل سه‌ر ده‌رباسكرنا پرۆژه‌كت یاسایا ژێرخانا ئابوری مه‌به‌سته‌كه سیاسی ل پشته و ئارمانجا وێ ژی پرۆپاگه‌نده كرنه ژبۆ هه‌لبژاردنێن بێ ئه‌ڤ ژی ب رێیا ب ده‌ستخستنا ده‌رفه‌ته‌كێ ل جاده یێن ئیراقی و خویا ژی كر پرۆژه‌كت یاسا ب ڤی ره‌شنڤیسا نها هه‌رتم جهێ قه‌بولكرنێ نیه و چێنابه پرۆژه‌كت یاسا ده‌رباس ببه ژبه‌ر وێ یه‌كێ كو هه‌له یێن مه‌زن تێدا هه‌نه كو ئه‌ڤ ژی ئالیكاره ژبۆ به‌لاڤبونا گه‌نده‌لیێ و نه‌زانینا ئاوایێ پرۆژه‌كتان.
