ئه‌ردۆغان : ئۆپۆزسیۆن به‌هێزتر ده‌بێت و ئه‌سه‌دیش به مردوو هه‌ژمار ده‌كرێت
سه‌رۆك وه‌زیرانى توركیا ڕه‌جه‌ب ته‌یب ئه‌ردۆغان ڕایگه‌یاند تا دێت ئۆپۆزسیۆنى سوریا به‌هێزتر ده‌بیـَت و سه‌رۆكى ڕژێمى سوریاش له ڕووى سیاسیه‌وه به مردوو هه‌ژمار ده‌كرێت.
سه‌رۆك وه‌زیرێن تركیێ د هه‌ڤپه‌یڤینه‌كه ب رۆژنامه‌یا پۆست یا ئه‌مه‌ریكى ره ئه‌شكه‌ره كر كو ئۆپۆزسیۆنا سوریێ رۆژ پشتى رۆژى بهێز دبه و رژێما به‌شار ئه‌سه‌د ژى دێ بچه و ئه‌سه‌د بخوه ژى د وارێ سیاسى ده مریه و بال كشانده سه‌ر وێ یه‌كێ ژى كو گرانه ده‌ما چۆنا ئه‌سه‌د لسه‌ر ده‌ستهلاتێ بێ دیاركرن و سه‌ده‌ما ڤێ یه‌كێ ژى ژبۆ دیتن و نه‌رینا هه‌ریه‌ك ژ رووسیا و چینێ ل دۆر ره‌وشێ ڤه‌گه‌راند و دڤى وارى ده ژى ئه‌ردۆگان گۆت وه‌لاتێ وى ته‌ڤى ئیران و رووسیا و چینێ د گفتۆگۆ یێن به‌رده‌وام ده یه.
ناڤهاتى گۆت ژى وه‌لاتێن رووسیا و چین و ئیران د وێ باوه‌رێ ده‌نه كو ئه‌سه‌د دێ لسه‌ر ده‌ستهلاتێ بچه لێ پرسا وان ئه‌وه پشتى چۆینا وى دێ چ بقه‌ومه و د هه‌مبه‌ر ژى ده ئه‌نكه‌ره هه‌ر ده‌ستخستنه‌كه ناڤا سوریێ ره‌ت دكه و ته‌كه‌ز لسه‌ر وێ یه‌كێ ژى كر كو وه‌لاتێ وى د وارێ پشتگیریا لۆجێستى ده ژ خوارن و ده‌رمانان ژبۆ وه‌لاتى یێن سوریێ دێ به‌رده‌وام به.
ل ئالیێ دن ده‌ستهلاتدارێن ئیراقێ راگه‌هاندن كو وانا رێ نه‌دایه بالافره‌كه كۆریا باكوور بسه‌ر ئاسمانێ ئیراقێ ره ده‌رباسى سوریێ ببن ژبه‌ر گومان تێ كرن چه‌كان ژبۆ سوریێ ڤه‌گوهێزه و د ڤى وارى ده ژى عه‌لى مووسه‌وى شێوردارێ سه‌رۆك وه‌زیرێن ئیراقێ ب رۆیته‌رزێ راگه‌هاند كو د چارچۆڤا هه‌ولێن هوكوومه‌تا ئیراقێ ده یێن قه‌ده‌خه‌كرنا ڤه‌گوهه‌ستنا چه‌كان ب ئاسمان و خاكا ئێراقێ ره ژبۆ سوریێ؛ وه‌لاتێ وى رێ ل بالافره‌كه كۆریا باكوور گرت كو دخوه‌ست ب رێیا ئاسمانێ ئیراقێ ڤه بچه سوریێ.
