پۆستی سەرۆکی کۆمسیۆنی هەڵبژاردنەکانی عێراق بۆ کورد دەمێنێتەوە
سەرۆکی کۆمسیۆنی باڵای سەربەخۆی هەڵبژاردنەکانی عێراق ڕایگەیاند: پۆستی سەرۆکی کۆمسیۆنی باڵای سەربەخۆی هەڵبژاردنەکانی عێراق دەدرێتەو بە هاوپەیمانیی کوردستانی و چەند کەسێکیش کاندیدن بۆئەوەی ئەو پۆستە وەربگرن.
سەرۆکی کۆمیسیۆنی باڵای سەربەخۆی هەڵبژاردنەکانی عێراق، فەرەج حەیدەری، بە پەیامنێری ڕاگەیاندوه : پۆستی سەرۆکی کۆمیسیۆنی باڵای سەربەخۆی هەڵبژاردنەکانی عێراق بۆ هاوپەیمانیی کوردستانی دەبێت و چەند کەسێکیش بۆ ئەو پۆستە کاندید کراوە."
سەبارەت بە ناڕەزاییەکانی لیستی دەوڵەتی یاسا، حەیدەری گوتی: ناڕەزاییەکەی ئەوان لەسەر پێدانەوەی ئەو پۆستە بەکورد نییە، بەڵکو مەسەلەکەی ئەوان لەسەر زیادنەکردنی ژمارەی ئەندامانی کۆمیسیۆنە."
سەرۆکی کۆمیسیۆنی باڵای سەربەخۆی هەڵبژاردنەکانی عێراق باسی لەوەش کرد: بڕوای ئەوانەی دژی زیادکردنی ژمارەی ئەندامەکانی کۆمیسیۆن بوون ئەرێنییە، چونکە بەپێی یاسا دەبێت نوێنەری پێکهاتەکانی عێراق لەو کۆمیسیۆنەدا بن نەوەکو نوێنەری لایەنە سیاسییەکان .
دوای چەندین جار درێژکردنەوەی ماوەی کارەکانی کۆمیسیۆنی باڵای سەربەخۆی هەڵبژاردنەکان لە چەند ڕۆژی ڕابردوو ئەنجوومەنی نوێنەرانی عێراق دەنگی بە مانەوەی نۆ ئەندامەکەی کۆمیسیۆن دا و زیادنەکردنی ئەمەش نیگەرانیی لیستی دەوڵەتی یاسای لێکەوتەوە کە نووری مالیکیی سەرۆکوەزیرانی عێراق سەرۆکایەتیی دەکات.
