ڤاتیكان ئیدانەی ئەو فلیمەی كرد كەسوكایەتی بە پێغەمبەری ئیسلام دەكات

ڤاتیكان ئیدانەی بڵاوكردنەوەی ئەو فلیمە ئەمریكییەی كرد كە سوكایەتی بە پێغەمبەری ئیسلام دەكات و بە كارێكی بێ پاساویشی لەقەڵەمدا .

لە لێدوانێكی رۆژنامەوانیشیدا فدریكۆ لۆمباردی  ووتەبێژی ڤاتیكان ڕایگەیاند: كارێكی لەو جۆرە دەرئەنجامی مەترسیداری دەبێت و كاریگەری خراپیش لەسەر هەستی موسوڵمانان دروست دەكات.

هاوكات ووتەبێژەكەی ڤاتیكان ئیدانەی ئەو توندوتیژیانەشی كرد كە بەو هۆیەوە ڕوویداوەو قوربانی لێكەوتۆتەوە وەك ئاماژەیەك بۆ كوشتنی باڵێۆزی ئەمریكا لە لیبیا و 3 كەس لە كارمەندانی باڵێۆزخانەكە .