له شارو شارۆچكه‌كان بیره‌وه‌رى 38ه‌مین ساڵیادى له‌سێداره‌دانى شه‌هید له‌یلا قاسم كرایه‌وه
ئه‌مرۆ له‌شارى هه‌ولێر بیره‌وه‌رى 38ه‌مین ساڵیادى له‌سێداره‌دانى شه‌هید له‌یلا قاسم كرایه‌وه ، له‌هۆڵى فه‌رهادى كۆلێژى ئه‌ده‌بیاتى زانكۆى سه‌لاحه‌دین، لیژنه‌ى رۆشنبیرى زانكۆ به‌و بۆنه‌یه‌وه سیمینارێكى بۆ هه‌ریه‌ك له دكتۆر عه‌بدولحه‌مید به‌رزنجى و دكتۆر عومه‌ر په‌تى رێكخست و به‌وردى ویستگه‌كانى خه‌باتى له‌یلاقاسم و بوێرى و خه‌باتگێرى ئه‌و ئافره‌ته كورده‌یان باسكرد، هه‌روه‌ها چه‌ند پارچه شیعرێكیش له‌لایه‌ن كازم كۆیى شاعیره‌وه خویندرایه‌وه و فیلمێكى دیكۆمینتاریش له‌سه‌ر ژیانى شه‌هید له‌یلا قاسم نمایش كرا.
ژلایه‌كی دیڤه ل سلێمانیێ ب ئاماده‌بوونا هه‌ژماره‌كه به‌رپرسیارێن ئیدارى و سیاسى و كه‌سایه‌تى یێن ئافره‌ت یێن ده‌ڤه‌رێ سه‌میناره‌كه تایبه‌ت ژبۆ به‌رچاڤكرنا ژیان و ته‌كۆشینا شه‌هید له‌یلا قاسم هاته سازكرن و پشتى سه‌مینارێ ژى به‌شداربوو یێن زاندۆرا هه‌فته یا چاندى هاتنه خه‌لاتكرن كو ژبال جڤاتا پارێزگه‌ها سلیمانیێ یا یه‌كێتى یا ئافره‌تێن كوردستانێ ڤه هاتبوو سازكرن.
له‌لایه‌كی دیكه‌وه هه‌ر ئه‌مرۆ له به‌غدا به ئاماده‌بوونى محه‌مه‌د ئه‌مین ده‌لۆى به‌رپرسى لقى پێنجى پارتى دیموكراتى كوردستان و كه‌سایه‌تیانى سیاسى و نیشتیمانى و كوردستانى و عێراقى له مه‌راسیمێكدا یادى سى هه‌شت ساڵه‌ى شه‌هید كردنى له‌یلا قاسم و هه‌ڤاڵاكانى له سه‌ر ده‌ستى رژێمى به‌عسى رووخاو به‌رز راگیرا، له میانى مه‌راسیمه‌كه‌دا به‌رپرسى لق له وته‌یه‌كدا وێراى ستایشى كردنى خه‌باتى له‌یلا قاسم و هه‌ڤاڵانى هه‌روه‌ها رایگه‌یاند پێویسته رێگا نه‌درێت دووباره شێوه‌ى كاره‌ساتى شه‌هید كردنى له‌یلا قاسم و هاڤاڵانى ڕووبداته‌وه.
ژلایه‌كی دیڤه هه‌ر ب هه‌لكه‌تنا 38 سالی یا بدارڤه‌كرنا شه‌هید له‌یلا قاسم جڤاتا رانیه یا یه‌كێتى یا ئافره‌تێن كوردستانێ سه‌میناره‌ك ل دۆر خه‌بات و ته‌كۆشیانا له‌یلا قاسم ژبۆ له‌یلا عه‌بدولجه‌بار ئه‌نداما جڤاتا سه‌كره‌ته‌ریا یه‌كێتى یا ئافره‌تێن كوردستانێ سازكر.
د سه‌مینارێ ده بالكشاندن سه‌ر ژیان و خه‌بات و ته‌كۆشینا له‌یلا قاسم؛ هه‌روه‌ها ره‌وشا ژیار و ژیانا شه‌هید له‌یلا قاسم د گرتیگه‌ها رژێما به‌عسا روخیایى ده هاته به‌رچاڤكرن و خویاكر كو ته‌ڤى ئه‌شكه‌نجه‌دانه‌كه مه‌زن ژبال هێزێن رژێمێ ڤه؛ لێ شه‌هید له‌یلا قاسم ئاماده‌نه‌بوو تو ئاگاهیه‌ك ژبۆ رژێمى ئه‌شكه‌ره بكه.
ل ئالیى دن هه‌ر ب ڤێ هه‌لكه‌تنێ جڤاتا كه‌لار یا یه‌كێتى یا ئافره‌تێن كوردستانێ سه‌میناره‌ك ژبۆ سعید سلێمان كارگێرێ لقا 11 یا پارتیا ده‌موكراتا كوردستانێ رێكخست و د سه‌مینارێ ده ژبلى به‌رچاڤكرنا ژیانا شه‌هید له‌یلا قاسم هه‌روه‌ها بالكشاندن سه‌ر هه‌ژماره‌كه هه‌لوێستێن گرینگێن له‌یلا قاسم د ژیانا سیاسى ده و ته‌كه‌ز ل سه‌ر وێ یه‌كێ ژى هاته كرن كو دڤێ هه‌موو مالباتێن كورد زارۆ یێن خوه وه‌كه شه‌هید له‌یلا قاسم په‌روه‌رده بكن و هه‌ستا نه‌ته‌وه‌یى د جانێ وان ده خورت بكن.
