تركیێ ب هیڤیه‌ لاپه‌ره‌یه‌كێ نو ژ تێكلی ێن خۆه‌ دگه‌ل فره‌نسایێ ده‌ست پێبكه‌

تركیێ داخوازا وێ یه‌كێ كر د هه‌یاما ده‌ستهه‌لاتا سه‌رۆكێ نوو یێ فره‌نسایێ ده‌ لاپه‌ره‌كه‌ نوو ژ تیكلى یێن ناڤبه‌را ئه‌نكه‌ره‌ و پاریسێ بێته‌ ڤه‌كرن.

د داخویانیه‌كێ ده‌ ژبۆ ئاژانسا فرانس پرێسێ ئه‌یمه‌ن باغش وه‌زیرێ كاروبارێن ئه‌ورووپایێ ل تركیێ راگه‌هاند ئه‌نكه‌ره‌ هیڤیا وێ یه‌كێ دخوازه‌ فرانسوا ئۆلاند سه‌رۆكێ هه‌لبژارتیێ فره‌نسایێ لاپه‌ره‌كه‌ نوو ژ تێكلى یێن دیرۆكى یێن ناڤبه‌را ئه‌نكه‌ره‌ و پاریسێ ڤه‌كه‌ و هیڤى ژى خوه‌ست، ئۆلاند وه‌كه‌ جاك شیراك سه‌رۆكێ به‌رێ یێ فه‌ره‌نسایێ پشتگیریا ئه‌ندامبوونا تركیێ د یه‌كێتیا ئه‌ورووپایێ ده‌ بكه‌.

ئه‌ڤ داخویانیا باغش پشتى وێ یه‌كێ تێ كو فرانسۆ ئۆلاند د هه‌لبژارتنێن سه‌رۆكاتیا فره‌نسایێ ده‌ كاربوو سه‌ركه‌تنێ ل سه‌ر ساركوزى سه‌رۆكى فه‌ره‌نسایێ ده‌ بده‌ست بخه‌، تێ چاڤه‌رێكرن ژى تێكلى یێن ناڤبه‌را ئه‌نكه‌ره‌ و پاریسێ نۆرمال ببن ژبه‌ر كو د هه‌یاما ده‌ستهلاتا خوه‌ ده‌ ساركۆزى ب هه‌موو ئاواكى دژایه‌تیا ئه‌ندامبوونا تركیێ د یه‌كێتیا ئه‌ورووپایێ ده‌ دكر، هه‌روه‌ها سیاسه‌تا ساركۆزى و هوكوومه‌تا وى، ل هه‌مبه‌ر ناسكرنا كۆمكوژیا ئه‌رمه‌نیان و ئازراندنا هن دۆسێێن دى، تێكلى یێن ناڤبه‌را پاریس و ئه‌نكه‌رێ ئالۆز كرنه‌.